ભાવનગર કાળાનાળા વિસ્તારમાં બસ દ્વારા હિટ એન્ડ રન જેવો કેસ : બેને ઇજા

ભાવનગરના કાળા નાળા વિસ્તારમાં બસનો અકસ્માત નોંધાયો હતો. પૂરપાટ દોડી રહેલી બસે અકસ્માત કરતાં હિટ એન્ડ રન કેસમાં બે વ્યક્તિને ઇજા પહોંચી હતી.

ભાવનગર: ભાવનગરમાં કોઈ કાર નહીં પણ આ વખતે બસનો હિટ એન્ડ રન કેસ બનવા પામ્યો છે કાળા નાળા વિસ્તારમાં પૂરપાટ ઝડપે આવતી મીની બસે બે વ્યક્તિને હડફેટે લીધાં હતાં અને પાર્કિંગમાં 20થી વધુ બાઇક અને સ્કૂટરનો કચ્ચરઘાણ કાઢી નાખ્યો હતો. જાણવા મળ્યાં મુજબ મીની બસ પુરપાટ ઝડપે આવી રહી હતી જેના ડ્રાઈવરે કાબૂ ગુમાવ્યો હતો. કાળા નાળા જેવા ભરચક વિસ્તારમાં હિટ એન્ડ રન જેવા કેસમાં બે વ્યક્તિને ઇજા થવા પામી છે.

ભાવનગર કાળાનાળા વિસ્તારમાં બસ દ્વારા હિટ એન્ડ રન જેવો કેસ : બેને ઇજા

ભાવનગરના કાળાનાળા વિસ્તારમાં માધવ દર્શન પાસે મીની બસચાલક કાબૂ ગુમાવતાં બે વ્યક્તિઓને હડફેટે લીધાં હતાં જ્યારે સ્ટિયરિંગ પર કાબૂ નહીં રહેવાથી અંતે માધવ દર્શનના પાર્કિંગ વિસ્તારમાં મીની બસ ઘૂસી ગઈ હતી. મીની બસ પાર્કિંગમાં ઘૂસવાથી આશરે 20થી વધુ વાહનોનો કચ્ચરઘાણ નીકળી ગયો હતો. બાઇકો અને સ્કૂટરોનો ભુક્કો બોલી ગયો હતો મોટી સંખ્યામાં લોકો એકત્રિત થઈ ગયાં હતાં. બનાવને પગલે અંતે પોલીસ કાર્યવાહી હાથ ધરવામાં આવી હતી.