મહુવા નગરપાલિકાની પ્રમુખ-ઉપપ્રમુખની આજે ચૂંટણી

28 ફેબ્રુઆરીએ યોજાયેલી સ્થાનિક સ્વરાજની ચૂંટણીમાં મહુવા નગરપાલિકાની ચૂંટણી યોજાઈ હતી. જેમાં ભાજપને 24 બેઠક મળતા સત્તાધીશો નિમવા માટે આજે બુધવારે પ્રમુખ અને ઉપપ્રમુખની ચૂંટણી યોજાશે.

• મહુવા ભાજપના બે જૂથ વચ્ચે જોરદાર સ્પર્ધા
• ભાજપના જ બે જૂથની પ્રમુખ થવાના ખેંચતાણમાં નવા જૂની થવાના એંધાણ
• ભાજપને 24 બેઠક મળતા સતાધીશો નિમવા માટે આજે બુધવારે પ્રમુખ અને ઉપપ્રમુખની ચૂંટણી

ભાવનગર: સ્થાનિક સ્વરાજની 28 ફેબ્રુઆરીએ યોજાયેલી ચૂંટણીમાં મહુવા નગરપાલિકાની ચૂંટણી યોજાઈ હતી. જેમાં ભાજપને 24 બેઠક મળતા સત્તાધીશો નિમવા માટે આજે બુધવારે પ્રમુખ અને ઉપપ્રમુખની ચૂંટણી યોજાશે. આ વખતે ભાજપના જિલ્લા અધ્યક્ષ દ્વારા દાવો કરીને નહીં, પંરતુ પ્રદેશમાંથી પંસદગી પામીને જ પ્રમુખ, ઉપપ્રમુખ અને કારોબારી ચેરમેનની નિમણૂક થશે.

આ પણ વાંચો: મહુવામાં સ્થાનિક સ્વરાજની ચૂંટણી શાંતિ પૂર્ણ રીતે સંપન્ન

જીતુબેન ગોહિલ અને ગીતાબેન મકવાણાના નામો ચર્ચામાં રહ્યા

મહુવાના ચૂંટાયેલા સદસ્યોની મિટિંગ મળી હતી જેમાં મહુવા શહેર પ્રમુખ પાસે ભાજપના કાઉન્સિલર દ્વારા હોદ્દા માટે કવાયત કરવામાં આવી હતી. જ્યારે ભાજપના આ કાઉન્સિલરોમાં ચોક્કસ જૂથવાદ જોવા મળ્યો હતો. બંને જૂથ દ્વારા પ્રમુખ માટે ખેંચતાણ કરવામાં આવી હતી. જેથી મહુવા નગરપાલિકામાં નવા-જૂની થવાના એંધાણ દેખાઈ રહ્યા છે. જોકે, જીતુબેન ગોહિલ અને ગીતાબેન મકવાણાના નામો ચર્ચામાં રહ્યા છે.

આ પણ વાંચો: મહુવા નગરપાલિકાની ચૂંટણીમાં કોંગ્રેસે ઉમેદવારી ન કરતા અનેક તર્ક વિતર્ક