અમદાવાદઃ કહેવાય છે કે જરૂરિયાત જ શોધની જનની રહી હોય છે. અત્યારે જ્યારે કોરોના વાઇરસનું સંક્રમણ ફેલાઇ રહ્યું છે. ત્યારે હાથને જંતુમુક્ત રાખવા ખૂબ જ જરૂરી છે.
અમદાવાદના કાંકરિયા, સાબરમતી અને ગાંધીધામના રેલવે કર્મચારીઓએ ભેગા મળીને એક મિકેનિકલ વોશ બેસિન બનાવ્યુ છે. જેમાં તમે પગના ઇશારા વડે જ કોઈપણ જગ્યાએ હાથ લગાવ્યાં વગર પોતાના હાથ ધોઈ શકો છો.
અમદાવાદઃ રેલવેકર્મીઓ દ્વારા બનાવાયું અનોખું વોશ બેસિન
આ નવતર વોશ બેસિનમાં હેન્ડવોશ માટેનું લિકવિડ ઓટોમેટિક હાથમાં આવી જાય છે અને પાણીનો નળ પણ ચાલુ થઈ જાય છે. જેથી રેલવેકર્મીઓઓ પોતાના હાથને જંતુમુક્ત રાખી શકે છે. ભવિષ્યમાં પણ આ ઉપકરણ ખૂબ જ ઉપયોગી થાય તેવી સંભાવનાઓ રહેલી છે.
