- શિવરંજીની હિટ એન્ડ રન કેસમાં મિર્ઝાપુર કોર્ટે પર્વ શાહના જામીન ફગાવ્યા
- પર્વ શાહ દ્વારા કરાયેલી જામીન અરજીનો સરકારી વકીલ દ્વારા વિરોધ કરવામાં આવ્યો
- કોર્ટે આરોપી પર્વ શાહના જામીન નામંજુર કર્યા
અમદાવાદ: શિવરંજીની એક્સિડન્ટ કેસ (Shivaranjani Hit and Run Case)માં મિર્ઝાપુર કોર્ટે આજે આરોપી પર્વ શાહના જામીન ફગાવ્યા હતા. પર્વ શાહ(parv shah ) દ્વારા કરાયેલી જામીન અરજીનો સરકારી વકીલ દ્વારા વિરોધ કરવામાં આવ્યો હતો. જેમાં દલીલ કરવામાં આવી હતી કે, જો આરોપી પર્વને જામીન મળે તો કેસની તપાસને અસર થાય એમ છે અને આ પ્રકારે બીજો ગુનો પણ આચરી શકે છે. વધુમાં સરકાર તરફથી કોર્ટ સમક્ષ રજુ કરાયેલા સોગંદનામામાં પોલીસ દ્વારા કેસમાં અડચણ ઉભી કરી શકે છે તેવો પણ ઉલ્લેખ કરવામાં આવ્યો છે.જવાબમાં એ પણ ઉલ્લેખ છે. અંતે કોર્ટે આરોપી પર્વ શાહના જામીન નામંજુર કર્યા હતા.
આ પણ વાંચો: અમદાવાદના બહુચર્ચિત હિટ એન્ડ રન કેસમાં CCTVમાં નજરે પડતી અન્ય કારની થઈ ઓળખ
અગાઉ કોર્ટે જયુડિશિયલ કસ્ટડી માટે પર્વ મને મોકલ્યો હતો
મહત્વનું છે કે, પોલીસે પર્વ શાહને કોર્ટમાં રજૂ કરતાં તેના એક દિવસના રિમાન્ડ મેળવ્યા હતા. જો કે, પોલીસે તેના ત્રણ દિવસના રિમાન્ડ માંગ્યા હતા પરંતુ કોર્ટે માત્ર એક દિવસનાં રિમાન્ડ મંજૂર કર્યા હતા. રિમાન્ડ બાદ જ્યારે પર્વ શાહને ફરીવાર કોર્ટ સમક્ષ રજૂ કરવામાં આવ્યો. ત્યારે તેને પંદર દિવસના માટે જ્યુડિશિયલ કસ્ટડી માટે મોકલી દેવામાં આવ્યો. ત્યારબાદ આજે પર્વ શાહે કોર્ટમાં જામીન અંગે અરજી કરતા કોર્ટે અરજી ફગાવી હતી.
હત્યાનો ગુનો
પર્વ શાહ હિટ એન્ડ રન કેસમાં શરૂઆતમાં 304(અ) કલમ હેઠળ ગુનો દાખલ કરવામાં આવ્યો હતો. તપાસ કરવામાં આવતા 304 કલમ દાખલમાં આવી હતી જેમાં હત્યાનો ગુન્હો દાખલ કરવામાં આવ્યો હતો જેને લઈ ગઈકાલે (30 જૂન) કોર્ટમાં પર્વ શાહને રજૂ કરવામાં આવ્યો હતો. પોલીસ દ્વારા તેના રિમાન્ડ માગવામાં આવ્યા હતા કોર્ટ દ્વારા 1 દિવસના રીમાન્ડ આપવામાં આવ્યા હતા. જેમાં વધુ તપાસ કરવામાં આવ્યા ઋષભ, પાર્થ અને દિવ્ય ત્રણ લોકો વિરુદ્ધ કરફ્યુ ભંગનો 188 કલમ હેઠળ ગુનો નોંધી તપાસ કરવામાં આવી રહી છે.
શું છે સમગ્ર ઘટના
શહેરમાં શિવરંજની પાસે વીમા નગર નજીક સોમવારે મોડી રાતે 12.46 કલાકે હિટ એન્ડ રનની (Hit and run case) ઘટના બની હતી. જેમાં કારે ઝૂંપડાની બહાર રસ્તા પર નિંદ્રાધીન શ્રમજીવી પરિવારને અડફેટે લીધો હતો. આ દુર્ઘટનામાં પરિવારની એક મહિલાનું મોત નીપજ્યું છે. જ્યારે ત્રણ લોકો ગંભીર રીતે ઇજાગ્રસ્ત બન્યાં હતા. ઇજાગ્રસ્તોમાંથી બે બાળકોને સારવાર માટે શેલ્ટર હોમ મોકલી દેવામાં આવ્યાં છે. જ્યારે અન્ય એક વ્યક્તિને સોલા સિવિલ હૉસ્પિટલમાં સરાવાર માટે લઇ જવામાં આવ્યાં છે.
Hit and run case ની ઘટના બાદ કારચાલક અને તેમાં સવાર અન્ય લોકો કાર ઘટનાસ્થળે મૂકીને જ ફરાર થયા હતાં. એન ડિવિઝન પોલીસે આ અંગે ગુનો નોંધીને આ ફરાર લોકોની તપાસ હાથ ધરી છે. આ દુર્ઘટના સીસીટીવી કેમેરામાં કેદ થઇ ગઇ છે. ત્યારે આરોપી પર્વ શાહ (Hit and run case accused parv shah) પોલીસ સ્ટેશનમાં હાજર થયો છે.
આ પણ વાંચોઃ અમદાવાદમાં હિટ એન્ડ રનની ઘટના સામે આવી, એક મહિલાનું મોત, 03 બાળકો ઇજાગ્રસ્ત
ઘટનાની પૂર્વભૂમિકા
પૂછપરછમાં સામે આવ્યું કે પર્વ શાહ (Hit and run case accused parv shah) કર્ફ્યૂ વચ્ચે મિત્રો સાથે મોજ કરવા નીકળ્યો હતો. પરંતુ સિંધુ ભવન રોડ પર પોલીસ તેને જોઈ જતાં તેઓ ગલીમાં વળી ગયાં. પરંતુ પાછળ પોલીસ હોવાથી તેઓએ કાર ભગાવી મારી હતી. જેને પગલે પોલીસે પણ તેનો પીછો કર્યો હતો. જો કે પોલીસ વેન્ટોકારમાં હોવાથી પર્વએ રેસ ડ્રાઈવિંગ શરૂ કર્યું હતું.
આરોપી પર્વનું નિવેદન
Hit and run case accused parv shah પર્વ શાહે કહ્યું કે, મારી કાર 40 કિ.મી.ની જ સ્પીડથી જ ચાલતી હતી. કાર અંદર ઘુસી ગઈ એટલે લોકો લાકડી લઈને મારવા આવ્યાં અને એક વ્યક્તિએ મારા મિત્રને માર્યો એટલે અમે દોડીને મીઠાખળી ભાગી ગયાં. મને આ વાતનું દુઃખ છે અમે એ ફેમિલીને બનતી મદદ કરીશું. મને લાગ્યું કે પોલીસ મારી કારનો પીછો પોલીસ કરે છે એટલે અમે ભાગ્યાં હતાં. મારી સાથે બે ભાઈ અને એક મિત્ર હતો. તેના નામ વૃષભ, દિવ્ય અને પાર્થ છે.
પોલીસ નિવેદન નોંધી રહી છેઃ ACP
ત્યારે બીજી તરફ આ અંગે ACP બી.બી. ભગોરાએ જણાવ્યું કે, બનાવની જાણ થતાં તપાસ ચાલુ કરી હતી. (Hit and run case accused parv shah) આરોપી પર્વ શાહની અટકાયત કરી છે. નિવેદન નોંધવાની કાર્યવાહી ચાલુ છે. નિવેદનના આધારે આગળની કાર્યવાહી કરાશે.
રાત્રી કરફ્યૂમાં નબીરાઓની મોજ!
ત્યારે આ સમગ્ર મામલે પોલીસે પર્વ શાહનું (Hit and run case accused parv shah) નિવેદન લઈને વધુ કાર્યવાહી હાથ ધરી છે. જ્યારે પર્વ શાહ નશાની હાલતમાં હતો કે કેમ તે સમગ્ર મામલે પોલીસ તપાસ કરશે. ત્યારે પ્રશ્ન એ થાય છે કે રાત્રી કરફ્યુમાં પણ આવા નબીરાઓ મોજ કરવા નીકળી પડે છે. ત્યારે પોલીસની કામગીરી ઢીલી છે તેમ કહી શકાય.
