હૈદરાબાદ: QR કોડ સ્કેન કરીને પૈસની ચુકવણી કરવી ખબુ સરળ અને સુવિધાપૂર્ણ છે, જોકે, સાથો-સાથ તે છેતરપિંડીની એક સામાન્ય રીત પણ બની ગઈ છે. છેતરપિંડી કરનારા નકલી QR કોડનો ઉપયોગ કરીને તમારા પૈસા ચોરી કરી શકે છે. તેથી, QR કોડ સ્કેન કરતા પહેલા કેટલીક સાવચેતી રાખવી મહત્વપૂર્ણ છે. પૈસાની ચુકવણી કરતા પહેલા, વેપારીનું નામ અને QR કોડની માહિતી કાળજીપૂર્વક તપાસો.
QR કોડ સ્કેન કરીને સરળતાથી કોઈને પણ પૈસા મોકલી શકાય છે. શાકભાજી ખરીદવાથી લઈને કરિયાણા અને પેટ્રોલ-ડીઝલ ભરવા સુધીની દરેક નાની-મોટી ચુકવણી માટે QR કોડનો ઉપયોગ કરવામાં આવે છે. આ એક ખૂબ જ સરળ પ્રક્રિયા છે, જેમાં PhonePe, Google Pay અને Paytm જેવી કોઈપણ UPI પેમેન્ટ એપની મદદથી આપ ઓનલાઈન પેમેન્ટ કરી શકાય છે, પરંતુ QR કોડ સ્કેન કરીને પેમેન્ટ કરવું તમારા માટે ખતરનાક સાબિત થઈ શકે છે. આવી જ એક ઘટના મધ્યપ્રદેશમાં બની હતી, જ્યાં પેટ્રોલ પંપ સહિત લગભગ અડધો ડઝન દુકાનોના QR કોડ નકલી QR કોડથી બદલવામાં આવ્યા હતા. જેના કારણે સ્કેમરના ખાતામાં સીધું જ પેમેન્ટ થવા લાગ્યું. જોકે બાદમાં આ કૌભાંડની ઓળખ થઈ હતી.
વાસ્તવિક અને નકલી QR કેવી રીતે ઓળખવું
વાસ્તવમાં, નકલી QR કોડને જોઈને તેને ઓળખી શકાતો નથી. કારણ કે દરેક QR કોડ સમાન દેખાય છે. પરંતુ જો તમે કેટલીક બાબતોનું ધ્યાન રાખશો તો છેતરપિંડીથી બચી શકાય છે.
સાઉન્ડ બોક્સનો ઉપયોગ કરો
નકલી QR કોડથી બચવા માટે પેમેન્ટ મેળવનાર અને ચૂકવનાર બંનેએ સાવચેત રહેવું જોઈએ. પેમેન્ટ રીસીવરને QR કોડમાંથી પેમેન્ટ પ્રાપ્ત કરવા માટે સાઉન્ડ બોક્સનો ઉપયોગ કરો, જેથી જો કોઈ નકલી QR કોડ પર પેમેન્ટ કરે, તો તેની સમયસર ઓળખ થઈ શકે.
પેમેન્ટ કરતા પહેલાં QR કોડ ચકાસો
જો તમે QR કોડ સ્કેન કરીને પેમેન્ટ કરો છો, તો QR સ્કેન કર્યા પછી, દુકાન અથવા માલિકના નામની ચકાસણી કરવી જોઈએ. ચુકવણી કરતા પહેલા, યૂઝરે પેમેન્ટ પહેલાં ખાતરી કરવી જોઈએ કે પેમેન્ટ કોના એકાઉન્ટમાં જશે, કારણ કે જ્યારે તમે QR કોડ સ્કેન કરો છો, ત્યારે તેના માલિકનું નામ દેખાય છે. જો દુકાન કે વ્યક્તિનું નામ ખોટું દર્શાવવામાં આવ્યું હોય તો પેમેન્ટ ન કરવું જોઈએ.
Google સાથે ખોટો QR કોડ ઓળખો
જો તમને QR કોડ સ્કેનર શંકાસ્પદ લાગે, તો તમારે Google લેન્સ વડે QR કોડ સ્કેન કરવો જોઈએ. આ રીતે તમને ખબર પડશે કે URL ક્યાં રીડાયરેક્ટ થઈ રહ્યું છે.
પૈસા માટે સ્કેન કરશો નહીં
પૈસા મેળવવા માટે QR કોડનો ઉપયોગ ન કરવો જોઈએ. જો તમે કોઈની પાસેથી પૈસા લેવા માંગતા હોવ તો QR કોડ સ્કેન કરવાની જરૂર નથી. આ છેતરપિંડીનું કારણ બની શકે છે. જલદી તમે QR કોડ સ્કેન કરો અને UPI PIN દાખલ કરો, તમારી સાથે છેતરપિંડી થઈ શકે છે.
