ટ્રાફિક સમસ્યા નિવારવા અમદાવાદમાં 335 કરોડ રૂપિયાના ખર્ચે 7 ફલાય ઓવરબ્રિજ બનશે

અમદાવાદઃ શહેરમાં દિવસેને દિવસે ટ્રાફિક ભારે માત્રામાં જોવા મળે છે. રસ્તા ઉપર વાહનોની સંખ્યામાં વધારો થયો છે. શહેરમાં ટ્રાફિકની સમસ્યાને સુધારો કરવા માટે રાજ્ય સરકારે 335 કરોડ રૂપિયાના ખર્ચે શહેરમાં 7 વિસ્તારમાં ઓવરબ્રિજ બનાવવાની જાહેરાત કરી છે.

મુખ્યપ્રધાન વિજય રૂપાણીએ સ્વર્ણિમ જ્યંતી મુખ્યમંત્રી શહેરી વિકાસ યોજના અન્વયે આ વર્ષ માટે 33.5 કરોડ રૂપિયા ફાળવ્યા છે. જેમાં અમદાવાદમાં સાત નવા ઓવરબ્રીજના નિર્માણ માટે કુલ 335 કરોડના કામો પૈકી આ વર્ષ માટે 10 ટકા પ્રમાણે 33.5 કરોડ રૂપિયાની ટોકન રકમ ફાળવી દેવાશે.

ટ્રાફિક સમસ્યા નિવારવા અમદાવાદમાં 33.5 કરોડ રૂપિયાના ખર્ચે 7 નવા ફલાય ઓવરબ્રીજ બનશે

અમદાવાદ મહાનગરપાલિકામાં 7 ઓવરબ્રિજ અને રિવરબ્રિજ બનાવવાના કામોને મંજૂરી માટે મહાપાલિકાએ મોકલેલી દરખાસ્તને માન્યતા આપી કુલ 335 કરોડ પૈકી આ વર્ષે 10 ટકા પ્રમાણે 33.5 કરોડ રૂપિયા મહાનગરપાલિકાને આપવામાં આવશે.

ટ્રાફિક સમસ્યા નિવારવા અમદાવાદમાં 33.5 કરોડ રૂપિયાના ખર્ચે 7 નવા ફલાય ઓવરબ્રીજ બનશે

જાણો અમદાવાદમાં ક્યાં ક્યાં બનશે ઓવરબ્રિજ...
• વિવેકાનંદનગર રીવરબ્રિજ (4 લેન),
• વાડજ જંકશન ફલાય ઓવરબ્રિજ – (4 લેન),
• પલ્લવ જંકશન ફલાય ઓવરબ્રિજ (2x2 લેન),
• પ્રગતિનગર જંકશન ફલાય ઓવરબ્રીજ (2x2 લેન),
• સતાધાર જંકશન ફલાય ઓવરબ્રિજ
• (4 લેન), ઘોડાસર ફલાય ઓવરબ્રિજ (2x2 લેન)
• નરોડા પાટિયા જંકશન ફલાય ઓવરબ્રિજ (3x2 લેન)

ઉલ્લેખનીય છે કે, શહેરમાં માર્ગો પર ટ્રાફિકને હળવો કરવા આ ઓવરબ્રીજનું નિર્માણ મહત્વપૂર્ણ બની રહેશે. જ્યારે રાજ્યના 2019-20ના અંદાજપત્રમાં અમદાવાદ મ્યુનિસિપલ કોર્પોરેશન વિસ્તારમાં 20 ફ્લાયઓવર બનાવવાની જાહેરાત કરવામાં આવી હતી.