અમદાવાદ ફાઇટ્સ કોરોના: માઇક્રો કન્ટેનમેન્ટ ઝોનમાં સતત થઈ રહ્યો છે ઘટાડો

અમદાવાદમાં કોરોના કેસના આંકડાઓમાં સતત ઘટાડો થઇ રહ્યો છે. આથી ઘણા ઓછા વિસ્તારોને માઇક્રો કન્ટેનમેન્ટ ઝોનમાં રાખવામાં આવ્યા છે. અમદાવાદમાં હવે ફક્ત 33 વિસ્તારોને જ માઇક્રોકન્ટેનમેન્ટ ઝોનમાં રાખવામાં આવ્યા છે.

• રાજ્યમાં કોરોનાના કેસમાં ઘટાડો
• અનેક વિસ્તારોને માઇક્રો કન્ટેનમેન્ટ ઝોનમાંથી મુક્ત કરાયા

અમદાવાદ: શહેરમાં છેલ્લા ઘણા દિવસોથી કોરોનાના કેસમાં સતત ઘટાડો થતા એક પછી એક વિસ્તારોને માઇક્રો કન્ટેનમેન્ટઝોનમાંથી મુક્તિ આપવામાં આવી રહી છે. શહેરના સાત ઝોનમાંથી સાઉથ ઝોનના 2, ઇસ્ટ ઝોનના 1, નોર્થ ઝોનના 3 વિસ્તારોને માઇક્રો કન્ટેનમેન્ટ ઝોનમાંથી મુક્ત કરાયા છે.

માઇક્રોકન્ટેનમેન્ટ ઝોનમાં સતત થઈ રહ્યો છે ઘટાડો

અમદાવાદમાં કોરોના કેસ ઘટતા લેવાયો નિર્ણય

છેલ્લા ઘણા દિવસોથી અમદાવાદમાં અઢીસો જેટલા જ કોરોના પોઝિટિવ કેસ નોંધાતા માઇક્રો કન્ટેનમેન્ટ વિસ્તારો પણ ઓછા થતા જોવા મળી રહ્યા છે. દિવાળી બાદ અચાનક વધી ગયેલા કોરોનાના કેસ હવે કંટ્રોલમાં આવતા અમદાવાદીઓ પણ રાહતનો શ્વાસ લઇ રહ્યા છે.