અમદાવાદ પોલીસ કમિશનર કચેરીમાં નમસ્તે કરીને માસ્ક વહેંચવામાં આવ્યાં

અમદાવાદમાં કોરોના પોઝિટિવ કેસ આવી ચૂક્યો છે, ત્યારે વધુ સતર્કતા જ આ વાઇરસને માત કરવામાં સફળ બનશે તેની પ્રતીતિ સમાજના દરેક વર્ગને ભારપૂર્વક કરાવવામાં આવી રહી છે. જાનમાલની સલામતી જેના હાથમાં છે, તેવી અમદાવાદ પોલીસના જવાનોને તેમની કાળજી રાખવાની ભલામણ સહિત નમસ્તે કહીને માસ્કનું વિતરણ કરવામાં આવ્યું હતું.

અમદાવાદઃ કોરોના વાઇરસની દહેશત વચ્ચે પણ લોકોની સેવામાં ફરજ બજાવતા પોલીસકર્મીઓ દિવસ-રાત ખડેપગે રહે છે, ત્યારે તેમની સલામતી માટે અમદાવાદ કમિશનર કચેરીમાં કામ કરનારા પોલીસકર્મીઓ તથા અધિકારીઓને માસ્ક વિતરણ કરવામાં આવ્યું હતું.

લોકોની સુરક્ષા અને સલામતી માટે પોલીસ જવાનો હંમેશા તમામ પરિસ્થિતિમાં હાજર રહે છે, ત્યારે પોલીસની સલામતી માટે એક સંસ્થા દ્વારા માસ્ક પહેરાવવામાં આવ્યાં હતાં.

અમદાવાદ શહેર પોલીસ કમિશનર કચેરીમાં કામ કરનારા મહિલા તથા પુરૂષોને નમસ્તે કરીને માસ્ક આપવામાં આવ્યાં હતાં અને તેમને પોતાની કાળજી રાખવા જણાવવામાં આવ્યું હતું.