કે-સ્ટાર પ્રોડક્શન દ્વારા યુવાનોની ટેલેન્ટ બહાર લાવતી સ્વદેશી વિડીઓ એપ લોન્ચ કરાઈ

ભારત સરકાર દ્વારા ચીનની 59 એપ પર પ્રતિબંધ મૂકાતાં દેશમાં સ્વદેશી એપનું ચલણ વધ્યું છે. ત્યારે અમદાવાદમાં કે-સ્ટાર પ્રોડક્શન દ્વારા યુવાનોને આકર્ષે એવી એક વિડીયો એપ લોન્ચ કરવામાં આવી છે. આ એપની ખાસિયત એ છે કે તે લોકોને મનોરંજનની સાથે પોતાની અંદરની કાબેલિયત રજૂ કરવાનો મોકો પણ આપશે.

અમદાવાદઃ કે- સ્ટાર પ્રોડક્શનના અમદાવાદના બ્રાન્ચ હેડ વિજય પંચાલે જણાવ્યું હતું કે ટિકટોક જેવી ચાઈનીઝ એપ ભારતમાં બંધ થતાં કે-સ્ટાર માટે સારું પ્લેટફોર્મ છે.વળી આ એપના ફિચર્સ પણ ઉચ્ચકક્ષાના છે. ખાસ કરીને ફિલ્મ અને ટેલિવિઝન ક્ષેત્રે કારકિર્દી બનાવતા યુવાનો માટે આ એપ એક વરદાન સાબિત થશે.કારણ કે, આ એપના માધ્યમથી સંગીત,ગાયન, ડાન્સ અને એક્ટિંગ માટે ઓડિશન પણ આપી શકાશે.

કે-સ્ટાર પ્રોડક્શન દ્વારા યુવાનોની ટેલેન્ટ બહાર લાવતી સ્વદેશી વિડીઓ એપ લોન્ચ કરાઈ

વિજય પંચાલે વધુમાં જણાવ્યું હતું કે,અન્ય એપ પર જ્યારે લોકો પોતાના સમયનો બગાડ કરી રહ્યાં છે.ત્યારે આ એપથી યુવાનો પોતાની કારકિર્દી બનાવી શકશે. શોર્ટ વિડીયો અપલોડ કરીને જજ દ્વારા તેમની સ્કિલની ઓળખ કરી શકાશે.વળી આ એપ્લિકેશનની અંદર સિક્યુરિટી ફીચર્સ પણ ઊચ્ચકક્ષાના છે.જેને લઇને તમારી અંગત બાબતો પણ ખૂબ જ સિક્યોર રહેશે.આ એપથી ગુજરાતીઓની ટેલેન્ટ બહાર આવશે.

આ એપના પ્રોડ્યુસરો અનેક પ્રોડક્શન હાઉસ સાથે સંકળાયેલ છે. તેથી ટીવી પ્રોગ્રામ અને ફિલ્મ માટે કલાકારોની શોધ પણ આ એપથી પૂર્ણ થશે.