ભારતની સાતમી આર્થિક ગણતરીમાં પ્રજાજનોએ આપેલી માહિતી ગુપ્ત રાખવામાં આવશેઃ અમદાવાદ જિલ્લા કલેકટર

ભારત સરકાર અને રાજ્ય સરકાર સમયાંતરે વ્યક્તિઓ/કુટુંબો અને સંસ્થાઓ પાસેથી વિવિધ સામાજિક આર્થિક બાબતોની માહિતી એકત્ર કરે છે. જેનો ઉપયોગ નીતિ ઘડતર માટે કરવામાં આવે છે. આ માહિતી ગુપ્ત રાખવામાં આવશે, તેમ અમદાવાદ જિલ્લા કલેકટરે જણાવ્યું છે.

● સાતમી આર્થિક ગણતરી શરૂ
● આર્થિક ક્ષેત્રના વિકાસ માટે પાયાની માહિતી છે
● સૌપ્રથમ વખત મોબાઈલ એપ્લિકેશનનો ઉપયોગ

અમદાવાદઃ ભારત સરકાર દ્વારા સાતમી આર્થિક ગણતરી શરૂ કરવામાં આવી છે, જેના અનુસંધાને ગુજરાત રાજ્યમાં મુખ્યપ્રધાન વિજયભાઇ રૂપાણીના હસ્તે 15 જાન્યુઆરી, 2020ના રોજ સાતમી આર્થિક ગણતરીનો પ્રારંભ કરવામાં આવ્યો છે. આર્થિક ગણતરીએ ખુબ જ અગત્યની ગણતરી છે. આ ગણતરી પરથી દેશમાં કયા પ્રકારના રોજગાર ચાલી રહ્યા છે? કયા રોજગારમાં કેટલા લોકો રોકાયેલા છે? તે અંગેની જાણકારી મેળવવાનો મુખ્ય આશય છે. આર્થિક ગણતરી દેશના આર્થિક ક્ષેત્રના વિકાસ તેમજ ભવિષ્યના લાંબાગાળાના આયોજનમાં મદદરૂપ થઈ શકે છે. જેમાં સૌ પ્રથમવાર મોબાઇલ એપ્લિકેશનનો ઉપયોગ કરી આર્થિક ગણતરી શરૂ કરવામાં આવી છે.

આર્થિક ક્ષેત્રના વિકાસ માટે પાયાની માહિતી છે

● ખાતરીપૂર્વક, ચોક્કસ અને સાચા જવાબ આપવાકેન્દ્ર સરકારના CSC- e Governance Service India Ltd. અને ગુજરાત સરકારના અર્થશાસ્ત્ર અને આંકડાશાસ્ત્રની કચેરી દ્વારા આર્થિક ગણતરીની ક્ષેત્રીય અને સુપરવિઝનની કામગીરી હાથ ધરવામાં આવી છે. આ ગણતરીની કામગીરી માટે આપના ત્યાં જે ગણતરીદાર/સુપરવાઇઝર આવે તે CSC- e Governance Service India Ltd. દ્વારા નિમણૂક પામેલાં ગણતરીદાર/સુપરવાઇઝર હશે. આથી આ ગણતરી હેઠળ પૂછવામાં આવતા પ્રશ્નોના જવાબો આપના દ્વારા ખાતરીપૂર્વક-ચોક્કસ અને સાચા જવાબો તેમને પૂરા પાડશો. જેથી આ મેળવવામાં આવેલી માહિતીની વિગતોનો અભ્યાસ કરી સાતમી આર્થિક ગણતરીના પરિણામો બહાર પાડી શકાય. જે રાજ્યની આર્થિક/ધંધાકીય પ્રવૃત્તિ અંગેની માહિતી નીતિવિષયક આયોજનમાં અત્યંત ઉપયોગી બનશે.● તમામ માહિતી ગુપ્ત રખાશેઃ કલેક્ટરઆ ગણતરીની કામગીરી માટે આવેલા ગણતરીદાર/સુપરવાઇઝરને આપના દ્વારા આપવામાં આવેલી માહિતી ગુપ્ત રાખવામાં આવશે અને તેનો ઉપયોગ સાતમી આર્થિક ગણતરીના પરિણામો તૈયાર કરવા માટે જ કરવામાં આવશે. આથી આ રાષ્ટ્રીય મહત્વની ગણતરી માટે ક્ષેત્રિય કામગીરી કરતા ગણતરીદાર/સુપરવાઇઝર જ્યારે પણ માહિતી એકત્ર કરવા માટે આપનો સંપર્ક કરે તે માટે સંકલન સમિતિના અધ્યક્ષ કલેક્ટર સંદીપ સાંગલેએ અનુરોધ કર્યો છે.