બાળકોને સાયબર ક્રાઇમથી કેવી રીતે બચાવશો?

આજના સમયમાં મોટાભાગના કાર્યો ઇન્ટરનેટ દ્વારા થઇ રહ્યાં છે. ત્યારે ઇન્ટરનેટ સાથે સંકળાયેલ ગુના પણ વધી રહ્યાં છે. ખાસ કરીને હેકર્સ દ્વારા આઇડેન્ટિટીની ચોરી,એકાઉન્ટ હેક થવું, તમારા ફોટાનો દુરુપયોગ વગેરે જેવા કિસ્સાઓ વધી રહ્યાં છે ત્યારે બાળકો પણ તેની અસરમાંથી બાકાત નથી.

અમદાવાદઃ ઇન્ટરનેટના ઉપયોગમાં બાળકો ગુન્હેગારોનું સરળ ટાર્ગેટ હોય છે. પરંતુ 70 ટકા કેસોમાં બાળકો સાથે થયેલ સાયબર ક્રાઇમ પોલીસ સ્ટેશનમાં નોંધાતાં નથી.તેનું બીજું એક કારણ એ પણ છે કે, ભારતમાં ડિજિટલ શિક્ષણ ખૂબ જ ઓછું છે.તો પાસવર્ડ પણ નબળો રાખવામાં આવે છે. સંપૂર્ણ વિશ્વમાં ચાઈલ્ડ પોર્નોગ્રાફી પર પ્રતિબંધ છે, તેમ હોવા છતાં અમુક ફેક એપ,વેબસાઈટ કે વાઈરસ દ્વારા ફોન કે કોમ્પ્યુટરના વેબ કેમેરાને હેક કરીને, ડેટા ચોરીને બાળકોને લગતી ગુપ્ત માહિતી કે ફોટા મેળવી શકાય છે.તેની સાથે ચેડાં થાય છે.

બાળકોને સાયબર ક્રાઇમથી કેવી રીતે બચાવશો?

ત્યારે બાળકો આવી સમસ્યામાં મૂકાય તો તેે કેવી રીતે ઓળખવું અને તેને કેવી રીતે અટકાવવું તે ખૂબ જરૂરી છે. ખાસ કરીને જ્યારે બાળકને બ્લેકમેલ કરવામાં આવતું હોય ત્યારે તે મૂંઝવણ અનુભવે છે. તેની વર્તણૂકમાં મોટો ફરક પડે છે. તેથી આવી બાબતોથી બચવા માટે બાળકને યોગ્ય માહિતી સમજાવવી ખૂબ જરુરી છે. વળી ઉલ્લેખનીય છે કે, તરૂણો દ્વારા પણ સાયબર ક્રાઈમ વધી રહ્યો છે અને તેઓ પોતાનું ભવિષ્ય બગાડી રહ્યાં છે.

બાળકોને સાયબર ક્રાઇમથી કેવી રીતે બચાવશો?

બાળકો ટેકનોલોજીથી મંત્રમુગ્ધ થઈને કેમેરા સામે ન કરવાની વસ્તુઓ કરી બેસે છે, ત્યારે બાળકોની પ્રવૃત્તિ ઉપર સિક્યુરિટી સોફ્ટવેર દ્વારા ધ્યાન રાખવું જોઈએ. પાસવર્ડ મજબૂત બનાવવા જોઈએ અને ક્યારેય પણ ખાનગી માહિતી ઇન્ટરનેટ પર મૂકવી જોઈએ નહીં. તેમાં પણ ગાડીનો નંબર,મોબાઈલ નંબર વગેરેને ઇન્ટરનેટ પર મુકવા જોઈએ નહીં. હેશટેગ કરીને બાળકોના ફોટા વાયરલ કરવા જોઇએ નહીં. જો કોઈ બાળક સાઇબર ક્રાઇમમાં સપડાય તો તરત જ પોલીસનો સંપર્ક કરીને બાળકનું કાઉન્સેલિંગ કરાવવું જોઈએ.