અમદાવાદ: ગુજરાત હાઈકોર્ટે 1 ઓગસ્ટ 2018ના ઠરાવની કેટલીક જોગવાઈઓને રદ જાહેર કરી છે, જ્યારે ઠરાવની 12 અને 13 નંબરની જોગવાઈને પડકારતી અપીલ અરજીને માન્ય રાખી છે. આ કેસની વધુ સુનાવણી માટે GPSC દ્વારા પણ હાઈકોર્ટમાં અરજી દાખલ કરવામાં આવી હતી.
હાઈકોર્ટે આપેલા ચુકાદામાં રાજ્યમાં અનામતની અમલવારી અને જોગવાઇઓના પાલન માટે માર્ગદર્શિકા જાહેર કરી અને સીધી લીટીની અનામતની અમલવારી કરવા સમજણ આપી છે. હાઈકોર્ટે આપેલા ચુકાદામાં 7 સ્ટેપમાં અનામતની જોગવાઇઓની અમલવારી કરવા સૂચન કર્યું કે, જો 100 બેઠકો પરની ભરતી હોય તો સીધી લીટીની મહિલા અનામત માટેનો દાખલો આપવો. 100 બેઠકો પર ઓપન કેટેગરીમાં 17 મહિલાઓ, અનુસૂચિત જાતિમાં 4 મહિલાઓ અને અનુસૂચિત જનજાતિમાં 6 મહિલાઓ અને SEBCમાં 7 મહિલાઓ માટે અનામત રાખવી.
મહિલાઓ માટેની ૩૩ ટકા મહિલા અનામત જે તે કેટેગરીમાં પૂર્ણ કરવા મહિલાઓની સંખ્યા ખૂટતી હોય તો મેરિટ લિસ્ટમાં જે તે કેટેગરીમાં પુરુષ ઉમેદવારની કેટલીક સંખ્યા ઘટાડી ત્યાં મહિલાઓનો સમાવેશ કરવો.
