નશાકારક દ્રવ્યોને રાજ્યમાં આવતા રોકવા માટે સરકાર કટિબદ્ધ : હર્ષ સંઘવી

રાજ્યમાં નશાકારક દ્રવ્યોની તસ્કરીને અટકાવવા માટે ગૃહપ્રધાને મહત્વની જાહેરાત કરી છે. તેમણે જણવાવ્યું છે કે ડ્રગ્સ અંગેની માહિતી આપનાર તમામને સરકાર 20 ટકા સુધીની રકમનું ઇનામ આપીને પ્રોત્સાહિત કરશે.

• ડ્રગ્સની કિંમતનું 20 ટકા રિવોર્ડ આપી શકાશે
• અધિકારીઓ કેસમાં 2 લાખથી વધુનો રિવોર્ડ આપી શકશે નહીં
• છેલ્લા 30 દિવસમાં 82 લોકોની કરવામાં આવી છે ધરપકડ

ન્યૂઝ ડેસ્ક: રાજ્યમાં નશાકારક દ્રાવ્યોની તસ્કરીને રોકવા માટે ગૃહપ્રધાન હર્ષ સંઘવીએ બુધવારે રિવોર્ડ પોલિસી જાહેર કરી છે. આ પોલિસીના આધારે કેફી દ્રવ્યોની તસ્કરી કરનારને ઝડપી પાડનાર અને બાતમી આપનાર સરકાર ઇનામ આપશે. હર્ષ સંઘવીએ જણાવ્યું હતું કે રાજ્યમાં ડ્રગ્સને આવતું રોકવા માટે અને પોલીસની ટીમ, બાતમીદારો અને વિવિધ એજન્સીઓને પ્રોત્સાહન આપવા માટે સરકારે આ પોલિસીની જાહેરાત કરી છે.

20 ટકા રિવોર્ડ આપવામાં આવશે

રાજ્યકક્ષાના ગૃહપ્રધાન પત્રકાર પરિષદને સંબોધતા પોલિસીની જાહેરાત કરી હતી જેમાં હર્ષ સંઘવી એ વધુમાં જણાવ્યું હતું કે કેફી દ્રવ્યો બાબતે બાતમી આપનાર બાતમીદારો અને પોલીસ અધિકારીઓ કર્મચારીઓને પ્રોત્સાહિત કરવા રાજ્યમાં પ્રથમ વખત નાર્કો રિવોર્ડ પોલીસીનો અમલ કરવામાં આવશે જેમાં મુદ્દામાલની મૂળ કિંમતના 20 ટકા જેટલી કિંમતને રિવોર્ડ તરીકે જે તે ટીમને આપવામાં આવશે જ્યારે સરકારી કર્મચારીઓ તેમની સમગ્ર કારકિર્દી દરમિયાન રૂ 20 લાખથી વધુ નહીં એટલે કુલ રકમ નોરીમોટની મંજૂરી માટે પાત્ર રહેશે એક જ કેસમાં રીમોટની બાબતમાં વ્યક્તિગત કર્મચારીઓ અધિકારીઓને કુલ રૂપિયા 2 લાખથી વધુ રકમના મંજૂર કરી શકાશે નહીં જ્યારે રિવોર્ડની કામગીરી સંપૂર્ણપણે સક્ષમ સત્તા તંત્ર દ્વારા મંજૂર કરવામાં આવશે.

છેલ્લા 30 દિવસમાં 59 કેસ અને 82 લોકોની કરવામાં આવી ધરપકડ

છેલ્લા 30 દિવસમાં પોલીસે ડ્રગ્સને દેશની બોર્ડરમાં આપતા પહેલા રોક્યું. મરીજૂઆનાના 39 કેસ અને 51 લોકોની ધરપકડ, ઓપીયમ માં 3 કેસ અને 3 લોકોની ધરપકડ કરવામાં આવી છે. હસેસમાં 4 લોકો અને 6 કેસ નોંધાયા છે. બ્રાઉન શુગરના 13 કેસ જ્યારે 22 લોકોની ધરપકડ કરવામાં આવી છે એટલે કુલ 59 કેસ અને 82 લોકોની ધરપકડ કરવામાં આવી છે.

યુવાઓને આવા નશાથી દુર રહેવા સંઘવીની સૂચના

રાજ્યકક્ષાના ગૃહપ્રધાન હર્ષ સંઘવી એ ગુજરાત રાજ્યના યુવાધનને અપીલ કરતા જણાવ્યું હતું કે રાજ્યના તમામ યુવાધન આવા નશીલા કેફી પદાર્થોથી દૂર રહે આનાથી સંપૂર્ણ કારકિર્દી નષ્ટ પામી શકે છે જ્યારે પોતાનું ઉદાહરણ આપતા તેઓએ જણાવ્યું હતું કે તેઓ પણ સિગરેટની લતમાં લાગી ગયા હતા પરંતુ વડાપ્રધાન નરેન્દ્ર મોદીએ તેમને આ સિગરેટની લગતી છોડાવ્યા હતા જ્યારે રાજ્યના યુવાઓને કડક સૂચના આપતા હર્ષ સંઘવીએ જણાવ્યું હતું કે ગુજરાત રાજ્યની પોલીસ હવે વધુ કડક બની છે અને આવા ગુનામાં સંડોવાયેલા કોઈપણ વ્યક્તિને છોડવામાં આવશે નહીં અને તેના પર વધુમાં વધુ કડક કાર્યવાહી કરવા બાબતનું પણ નિવેદન હર્ષ સંઘવી આપ્યું છે.

રાજ્યમાં 70,000 પોલીસ જવાનોને મળશે ફાયદો

મહત્વની વાત કરવામાં આવે તો રાજ્ય સરકાર દ્વારા ગુજરાતમાંથી ડ્રગ્સના આ દૂષણને નાથવા માટે અનેક પ્રયત્નો અને નીતિ નિયમો ઘડવામાં આવી રહી છે ત્યારે ગુજરાતમાં ડ્રગ્સ નું દૂષણ દૂર થાય તે માટે રાજ્યના ગૃહ વિભાગ દ્વારા એક ખાસ નાર્કોટિક્સ પોલિસી તૈયાર કરવામાં આવી છે જે અંતર્ગત કોઈપણ પોલીસની ટીમ ચરસ, ગાંજો, અફીણ જેવા માદક પદાર્થોના મહત્વના અને મોટા કેસ પર્દાફાશ કરશે તો જે તે પોલીસ અધિકારી અને તેમના ટીમને રિવોર્ડ આપવામાં આવશે.

મુદ્દામાલની કિંમત પર નક્કી થશે રિવોર્ડ્સ

રાજ્યની પોલીસ જે માદક પદાર્થોનો જથ્થો પકડશે તે મુદ્દામાલની કિંમત અને ક્વોલિટી ઉપર ગૃહ વિભાગ દ્વારા પોલીસને આપવામાં આવતા રિવોર્ડની કિંમત નક્કી કરવામાં આવશે આમ પોલીસ અધિકારી હોય કે પોલીસ જવાન હોય તમામને એક જ પ્રકારની રિવર્સની રકમ પ્રાપ્ત થશે જ્યારે પોતાના કાર્યકાળ દરમિયાન કોઈ પણ પોલીસ જવાન કે કોઈ અધિકારી વધુ દિવસ ન લઈ જાય તે બાબતનું પણ આંકલન પોલિસીમાં તૈયાર કરવામાં આવશે.