અમરેલી: જિલ્લામાં અવારનવાર અકસ્માતોની ઘટના સામે આવતી રહે છે, ત્યારે બગસરા વિસ્તારની અંદર વધુ એક અકસ્માત સર્જાયો છે.
મળતી માહિતી મુજબ વડીયા તાલુકાના પીપળીયા ગામેથી ખોડિયાર મંદિર પાસે 12 મુસાફરો ભરેલી એક બોલેરો પિકઅપ જઇ રહી હતી ત્યારે બગસરાના હડાળા નજીક આ બોલેરો પિકઅપ પલટી મારી ગઈ હતી, જેથી અકસ્માત સર્જાયો હતો.
બોલેરો પલટી જતા અકસ્માત થયો
બોલેરો પિકઅપમાં મુસાફરી કરી રહેલા 12 મુસાફરો ઇજાગ્રસ્ત થયા છે. જ્યારે 1 મહિલાનું ઘટના સ્થળે મૃત્યું નિપજ્યું છે. ઘટનાની જાણ થતા 108 એમ્બ્યુલન્સ મારફતે ઇજાગ્રસ્તોને હોસ્પિટલે લઇ જવાયા હતા. જ્યારે 4 વ્યક્તિને ગંભીર ઈજા પહોંચતા તેઓને સ્થાનિક સારવાર કેન્દ્રમાં ખસેડાયા હતા. ત્યારબાદ વધુ સારવાર માટે અમરેલી હોસ્પિટલમાં ખસેડાયા હતા. આ અકસ્માતમાં અન્ય ઇજાગ્રસ્ત 7 મુસાફરોને બગસરાની સ્થાનિક હોસ્પિટલ ખાતે ખસેડાયા હતા.
આ પણ વાંચો:
