અમદાવાદ: ગુજરાત વિધાનસભાના વિરોધપક્ષના નેતા પરેશ ધનાનીએ રાજ્યના મુખ્યપ્રધાન વિજય રૂપાણીને પત્ર લખી માગ કરી છે કે કોરોના જેવી મહામારીના સમયમાં લોકોને રાહત મળી રહે તે માટે આગામી છ માસ સુધી દરેક પરિવારનું ઘર વપરાશનું વીજળી બિલ, પાણીવેરો અને મિલ્કત વેરો તથા સ્થાનિક કરવેરામાંથી સંપૂર્ણ મુક્તિ આપવા આવે. ગૃહલોનના હપ્તાની પરત ચૂકવણી સ્થાગિત કરી તેના વ્યાજમાંથી સંપૂર્ણ મુક્તિ આપવા પણ રજૂઆત કરી હતી.
સરકાર આગામી 6 મહિના સુધી વીજળીના બિલ અને વેરા ભરવામાંથી લોકોને મુક્તિ આપેઃ કોંગ્રેસ કોંગ્રેસ પક્ષે આ અંગે પત્ર લખતા પહેલા મુખ્યપ્રધાન અને રાજ્યપાલને આવેદનપત્ર પણ આપ્યા હતા જોકે નિણર્ય ન લેવાતા હવે કોંગ્રેસ દ્વારા આ અંગે સરકારને પત્ર પણ લખવામાં આવ્યો છે. કોરોના વાયરસના કારણે હાલ સમગ્ર રાજ્યમાં લગભગ તમામ પ્રકારના ધંધા-રોજગાર બંધ છે, જે ફરી ક્યારે ચાલુ થશે તે નક્કી નથી. ગરીબ અને મધ્યમ વર્ગના લોકોને જીવન જીવવું મુશ્કેલ થઈ ગયેલ છે. કોરોના વાયરસના દર્દીઓની સંખ્યા રાજ્યમાં દિવસેને દિવસે ખૂબ જ વધતી જાય છે, જેથી હાલના સંજોગો જોતાં સ્થિતિ પૂર્વવત્ ક્યારે થાય તે કહેવું મુશ્કેલ છે અને આગામી લાંબા સમય સુધી ધંધા-રોજગાર ચાલુ થાય તેવી કોઈ શક્યતા જણાતી નથી. રાજ્યના નાના-મધ્યમ દરેક પરિવાર કોરોના વાયરસની મહામારીના કારણે લોકડાઉનની પરિસ્થિતિમાં પોતાના નાના-મોટા ધંધા બંધ કરીને પોતાના ઘરમાં બેકારી તથા ભુખમરાનો સામનો કરી રહેલ છે. તેઓના કમાણીના સાધનો ઠપ્પ થઈ ગયેલ હોવાથી પોતાનું ગુજરાન ચલાવી શકે તેવી સ્થિતિમાં નથી.કોરોના વાયરસના કારણે ઉભી થયેલ પરિસ્થિતિ જોતાં સમગ્ર રાજ્યોમાં વેપાર-ધંધાની સ્થિતિ પૂર્વવત્ ક્યારે થશે તે કહેવું મુશ્કેલ છે. રાજ્યમાં ગરીબ અને મધ્યમવર્ગ તથા રોજનું કમાઈને રોજ ખાનાર પરિવારોની સંખ્યા ખૂબ જ વધારે છે. તેઓની આજીવિકા હાલ બંધ છે, ત્યારે આવા સંજોગોમાં સ્થાનિક સ્વરાજ્યની સંસ્થાઓ ગ્રામ પંચાયત, નગરપાલિકા, મહાનગરપાલિકા કે અન્ય સત્તાધીશો દ્વારા રાજ્યની પ્રજા ઉપર ચડત વેરાઓ ભરવા માટે કોઈ પણ પ્રકારનાં પગલાં ભરવામાં આવશે તો પણ રાજ્યની પ્રજા પાણીવેરા, ઘરવેરા, વીજબિલ કે અન્ય કોઈ વેરાઓ ભરવા અસમર્થ બનશે. Conclusion:કોરોના વાયરસને ભારતમાં ફેલાતો અટકાવવા માટે તા. 24 માર્ચ, 2020થી 14 એપ્રિલ, 2020 સુધી 21 દિવસનું લોકડાઉન જાહેર કરવામાં આવેલ, પરંતુ કોરોના વાયરસની સ્થિતિ બેકાબુ થતાં ફરી બીજા તબક્કાનું લોકડાઉન તા. 15 એપ્રિલ, 2020થી 3 મે, 2020 સુધી જાહેર કરવામાં આવ્યું હતું.
