Corona Vaccination: મેમનગરમાં વેક્સિનેશન સેન્ટર પર સવારે 6 વાગ્યાથી લાંબી લાઈન જોવા મળી

એક તરફ રાજ્ય સરકાર ઝડપથી લોકોનું કોરોના વેક્સિનેશન (Corona Vaccination) કરવાની વાત કહી રહી છે. તો બીજી તરફ રાજ્યમાં વેક્સિનનો જથ્થો જ ખૂટી પડ્યો (Vaccine shortage) છે ત્યારે અનેક જગ્યાએ લોકો વેક્સિનેશન સેન્ટર (Vaccination Center) પરથી નિરાશ થઈને પરત ફરી રહ્યા છે. અમાદાવાદના મેમનગર (Memnagar) વિસ્તારમાં પણ આવા જ દૃશ્યો સર્જાયા હતા. અહીં અંધકન્યા વિકાસ ગૃહ (Andh kanya Vikas Gruh) ખાતે વેક્સિનેશન સેન્ટર (Vaccination Center) છે, પરંતુ છેલ્લા ઘણા સમયથી વેક્સિનનો પૂરતો જથ્થો ઉપલબ્ધ ન હોવાથી લોકો વેક્સિન લેવા માટે વહેલી સવારે 6 વાગ્યાથી લાઈનમાં ઉભા હતા.

• રાજ્યમાં કોરોનાની વેક્સિનનો જથ્થો ખૂટી પડ્યો (Vaccine shortage)
• મેમનગરમાં વેક્સિનેશન સેન્ટર (Vaccination Center) પર લોકોની લાંબી લાઈન જોવા મળી
• અંધ કન્યા વિકાસ ગૃહ (Andh kanya Vikas Gruh) ખાતે લોકો સવારે 6 વાગ્યાથી લાઈનમાં ઉભા હતા
• રાજ્યમાં વેક્સિનનો જથ્થો ખૂટી પડતા વેક્સિનેશન સેન્ટર્સ પર વેક્સિન લેવા લોકોના ધમપછાડા

અમદાવાદઃ શહેરમાં કોરોના વેક્સિનની ઘટ (Vaccine shortage) સર્જાતા વેક્સિન મળી નહીં રહે તેવો ડર હવે નાગરિકોમાં જોવા મળી રહ્યો છે. આવા જ દૃશ્યો મેમનગરમાં પણ જોવા મળ્યા છે. મેમનગર વિસ્તારમાં અંધ કન્યા વિકાસ ગૃહ (Andh kanya Vikas Gruh) ખાતે લોકોને વેક્સિન આપવામાં આવે છે, પરંતુ છેલ્લા કેટલાક સમયથી વેક્સિનનો પૂરતો સ્ટોક ઉપલબ્ધ ન હોવાથી લોકો સવારે 6 વાગ્યાથી જ લાઈનમાં આવીને ઉભા રહે છે. ઉલ્લેખનીય છે કે, છેલ્લા કેટલાક સમયથી મોટા ભાગના વેક્સિન સેન્ટર (Vaccination Center) ઉપર સેન્ટર બંધ હોવાનું અથવા તો વેક્સિનનો સ્ટોક (Vaccine stock) ન હોવાના પાટિયા લગાવવામાં આવ્યા છે.

અંધ કન્યા વિકાસ ગૃહ (Andh kanya Vikas Gruh) ખાતે લોકો સવારે 6 વાગ્યાથી લાઈનમાં ઉભા હતા

આ પણ વાંચો- Vaccination Center: જાણો, કોલવડામાં અમિત શાહે મુલાકાત લીધેલું વેક્સિન સેન્ટર શા માટે થયું બંધ?

દરરોજ 1 લાખ લોકોનું વેક્સિનેશન કરવાનો દાવો પોકળ સાબિત થયો

હાલ અમદાવાદ મહાનગરપાલિકાના પ્રથમ ટાર્ગેટ સુપર સ્પ્રેડર કે જેમના સંપર્કમાં આવવાથી કોરોના વધુ ફેલાવાની સંભાવનાઓ છે. તેમને વેક્સિન આપવાની કામગીરી કરવામાં આવી રહી છે. તો બીજી તરફ અમદાવાદ મહાનગરપાલિકાએ એવા પણ વાયદા કર્યા હતા કે, દૈનિક 1 લાખ લોકોને વ્યક્તિને આપવામાં આવશે, પરંતુ છેલ્લા કેટલાક સમયથી જુદા જુદા સેન્ટર ઉપર વેક્સિનનો જથ્થો ન આવતા લોકોએ વેક્સિન લીધા વિના જ પાછા પરત ફરવું પડી રહ્યું છે. મેમનગર ખાતે પણ વેક્સિનનો પૂરતો જથ્થો ન આવવાના કારણે લોકો સવારે 6 વાગ્યાથી જ વેક્સિન સેન્ટર ખૂલ્યું તે પહેલા જ પહોંચી રહ્યા છે.

રાજ્યમાં વેક્સિનનો જથ્થો ખૂટી પડતા વેક્સિનેશન સેન્ટર્સ પર વેક્સિન લેવા લોકોના ધમપછાડા

આ પણ વાંચો- Vaccination campaign: ગીર-સોમનાથ જિલ્‍લામાં ફકત પાંચ રસીકરણ કેન્દ્ર હોવાથી લોકોને કરવી પડી રઝળપાટ

ઓન સ્પોર્ટ રજિસ્ટ્રેશન કરાવી શકવાની છૂટથી પણ વેક્સિન લેનારાઓની સંખ્યામાં વધારો થયો

ઉલ્લેખનીય છે કે, અગાઉ માત્ર ઓનલાઈન રજિસ્ટ્રેશન કરાવ્યા બાદ જ વેક્સિન લેવાની પરવાનગી મળતી હતી. પરંતુ હવે ઓન ધ સ્પોટ રજિસ્ટ્રેશન કરાવીને કોઈ પણ વ્યક્તિ વેક્સિન લઈ શકે છે. આમ વેક્સિન લેવાની પદ્ધતિ સરળ થતા લોકો વધુ સંખ્યામાં વેક્સિન લેવા પહોંચી રહ્યા છે પરંતુ તેની સામે વેક્સિનનો પૂરતો જથ્થો ન આવતા લોકોને ધરમધક્કો થઈ રહ્યો છે. ઉલ્લેખનીય છે કે, શહેરમાં છેલ્લા એક અઠવાડિયાથી જુદા જુદા સેન્ટર ઉપર વેક્સિનનો જથ્થો ન હોવાની ફરિયાદો ઉઠી રહી છે.