અમદાવાદમાં સગીરાની છેડતી કરનારા આરોપીની ધરપકડ

અમદાવાદના એક વિસ્તારમાં સગીરા સાથે છેડતીની ઘટના બની છે. સગીરા સ્કૂલે જતી હતી તે દરમિયાન આરોપી ઇકો ગાડીમાં તેનો પીછો કરી તેની છેડતી કરતો હતો. જેની હકીકત સગીરાએ માતા પિતાને જણાવતા માતા-પિતાએ પોલીસનો સંપર્ક કર્યો હતો. જેથી પોલીસે ગણતરીના કલાકોમાં આરોપીની ધરપકડ કરી કીયદેસરની કાર્યવાહી હાથ ધરી છે.

અમદાવાદ: શહેરમાં ફરી એક વાર દીકરીઓ સલામત નથી તેઓ કિસ્સો પ્રકાશમાં આવ્યો છે. અમદાવાદના એક વિસ્તારમાં 15 વર્ષીય સગીરાની છેડતી કરવામાં આવી છે. સગીરના સ્કૂલે જવાના સમયે 37 વર્ષીય આરોપી સબીર હુસેને ઇકો ગાડીમાં તેનો પીછો કરીને છેડતી કરી હતી.

આરોપીની ગાડી

સગીરાના જણાવ્યા પ્રમાણે નરાધમ આરોપી ગત કેટલાક દિવસોથી તેનો પીછો કરતો હતો. જેને લઈ સગીરાએ સમગ્ર બાબત સ્કૂલ પ્રશાસનને જણાવી હતી અને ત્યારબાદ તેના માતા-પિતાને જણાવી હતી. જેથી સગીરાના માતા-પિતાએ પોલીસનો સંપર્ક કર્યો હતો. ફરિયાદના આધારે પોલીસે આરોપી સબીરની ગણતરીની કલાકોમાં ધરપકડ કરી લીધી હતી.

ધરપકડ કર્યા બાદ પોલીસે આરોપી સબીર સમયથી પીછો કરી રહ્યો હતો? શા માટે પીછો કરતો હતો? પીછો કરવા પાછળ આરોપીના ઈરાદા શું હતા? વગેરે અંગે પૂછપરછ હાથ ધરી છે.