A Bridge with a Heritage Look : એલિસ બ્રિજને 15 કરોડના ખર્ચે હેરિટેજ થીમ આધારિત ડેવલપ કરાશે

અમદાવાદના ઓળખ એવા એલિસ બ્રિજ ( Ellis bridge )ને હેરિટેજ થીમ (A Bridge with a Heritage Look ) આધારિત ડેવલપ કરવામાં આવશે. અમદાવાદ મહાનગરપાલિકાના રોડ એન્ડ બિલ્ડિંગ વિભાગ દ્વારા આ માટેની યોજના બનાવવામાં આવી છે. જેમાં અંદાજે 15 કરોડના ખર્ચે બ્રિજને હેરિટેજ થીમ આધારિત ડેવલપ કરવા માટેની કામગીરી શરૂ કરી દેવામાં આવી છે. હાલ એલિસ બ્રિજમાં કેટલાક સુધારા સાથે ડિઝાઇન તૈયાર કરવામાં આવી છે. દિવાળી સુધી એલિસ બ્રિજ( Ellis bridge )નું ટેન્ડર મંગાવવામાં આવશે અને ત્યારબાદ ડેવલપ કરવાની કામગીરી હાથ ધરવામાં આવશે.

• વર્ષો જૂના એલિસ બ્રિજને હેરિટેજ થીમ પર ડેવલપ કરવામાં આવશે
• અમદાવાદ મહાનગરપાલિકાના રોડ એન્ડ બિલ્ડિંગ વિભાગે શરૂ કરી કામગીરી
• દિવાળી બાદ ડેવલપમેન્ટ માટે ટેન્ડર મંગાવવામાં આવશે

અમદાવાદ : શહેરની સાબરમતી નદી પર એલિસ બ્રિજ ( Ellis bridge ) અમદાવાદ શહેરનો પ્રથમ બ્રિજ હતો. જેનું નિર્માણ 1872માં કરવામાં આવ્યું હતું. જ્યારે 1997માં બ્રિજનું નામ સ્વામી વિવેકાનંદ બ્રિજ રાખવામાં આવ્યું હતું. આ અગાઉ બ્રિજ પરથી જ વાહનો અને રાહદારીઓ પસાર થતા હતા, પરંતુ સમય જતાં અમદાવાદની વસ્તી વધતા બ્રિજને પહોળો કરવામાં આવ્યો હતો. હવે અમદાવાદ શહેરને હેરિટેજ સિટી તરીકે દરજ્જો મળી ચૂક્યો છે, ત્યારે સૌથી જૂના બ્રિજને હેરિટેજ થીમ (A Bridge with a Heritage Look ) આધારિત ડેવલપ કરવાનું કામ હાથ ધરવામાં આવ્યું છે.

એલિસ બ્રિજને 15 કરોડના ખર્ચે હેરિટેજ થીમ આધારિત ડેવલપ કરાશે

બ્રીજ પર માત્ર રાહદારીઓ જ પસાર થઇ શકશે

હાલ એલિસ બ્રિજ ( Ellis bridge )ના ડેવલપમેન્ટનું જે કામ હાથ ધરવામાં આવ્યું છે, તેને હેરિટેજ થીમ ( A Bridge with a Heritage Look ) આધારિત ડેવલપમેન્ટ કરવામાં આવશે. જેમાં માત્ર રાહદારીઓને જ પસાર થવા માટેની મંજૂરી હશે. આ બ્રિજ અંદાજે 7 ફૂટ પહોળો અને 400 મીટર લાંબો છે. હાલ એલિસ બ્રિજ ( Ellis bridge ) પર રાહદારીઓને ચાલવા માટે સાંકળી એવી ફૂટપાથ બનાવવામાં આવી છે, પરંતુ આગામી સમયમાં જ્યારે એલિસ બ્રિજનું ડેવલોપમેન્ટ કરી દેવામાં આવશે, ત્યારે રાહદારીઓ એલિસ બ્રિજ પરથી વાહનોના ભય વગર પસાર થઇ શકશે.

એલિસ બ્રિજમાં કેટલાક સુધારા સાથે ડિઝાઇન તૈયાર કરવામાં આવી

આ પણ વાંચો -