નવી દિલ્હીઃ 1 એપ્રિલ, 2023થી આવકવેરાના નિયમોમાં ઘણા ફેરફાર થવા જઈ રહ્યા છે. નાણાકીય વર્ષ 2023-24 (મૂલ્યાંકન વર્ષ 24-25) માટે નરેન્દ્ર મોદી સરકાર દ્વારા આવકવેરાના નિયમોમાં ઘણા ફેરફારો કરવામાં આવી રહ્યા છે. 2023-24નું બજેટ રજૂ કરતી વખતે નાણામંત્રી નિર્મલા સીતારમણે લોકસભામાં અનેક ફેરફારોની જાહેરાત કરી હતી. આ સાથે સંસદમાં બજેટ પસાર થયા બાદ સુધારા દ્વારા કેટલાક ફેરફારો પણ કરવામાં આવ્યા છે. હવે જ્યારે નાણાકીય વર્ષ 2022-23 પૂરા થવામાં માત્ર બે દિવસ બાકી છે ત્યારે આપણે સમજવું જરૂરી છે કે શું ફેરફારો થવાના છે.
ડિફોલ્ટ સિસ્ટમ: 1 એપ્રિલ, 2023 થી જે મોટો ફેરફાર થવા જઈ રહ્યો છે તે એ છે કે જ્યારે પણ તમે આવકવેરા માટે લૉગિન કરશો, ત્યારે તમને ડિફોલ્ટ વિકલ્પ સાથે નવી કર વ્યવસ્થાની પસંદગી મળશે. આ વખતે, જો તમારે જૂની ટેક્સ સિસ્ટમ હેઠળ ફોર્મ ભરવાનું હોય, તો તમારે તે પસંદ કરવાનું રહેશે. આનો અર્થ એ છે કે જો કોઈ વ્યક્તિ ITR ફાઈલ કરતી વખતે બેમાંથી કઈ વ્યવસ્થા હેઠળ ટેક્સનું મૂલ્યાંકન કરવા માંગે છે તે સ્પષ્ટ કરતું નથી, તો નવી કર વ્યવસ્થા આપમેળે પસંદ કરવામાં આવશે.
આ પણ વાંચોઃH-1B વિઝા પર યુએસ કોર્ટના નિર્ણયથી હજારો ભારતીયોને થશે ફાયદો, જાણો શું છે આ નિર્ણય
નવી કર વ્યવસ્થા: બીજી મહત્વની વાત એ છે કે, નવી ટેક્સ સિસ્ટમમાં જો કોઈ વ્યક્તિની કુલ આવક 7 લાખ રૂપિયા સુધીની છે તો તેના પર કોઈ ટેક્સ ચૂકવવો પડશે નહીં. આ વખતે બજેટમાં આ નવી કર વ્યવસ્થા હેઠળ કર મુક્તિ મર્યાદા 5 લાખ રૂપિયાથી વધારીને 7 લાખ રૂપિયા કરવામાં આવી છે.
જૂની ટેક્સ સિસ્ટમ: ત્રીજી સૌથી મહત્વની બાબત એ છે કે, જો જૂની ટેક્સ સિસ્ટમ પસંદ કરીને ITR ફાઈલ કરવામાં આવે છે, તો 50,000 રૂપિયાના સ્ટાન્ડર્ડ ડિડક્શનનો લાભ લઈ શકાય છે. આ વખતે પણ તેમાં કોઈ ફેરફાર થયો નથી.
આવકવેરા સ્લેબ: નવા કર દરો છે:
3 લાખ સુધીનો વાર્ષિક પગારઃ શૂન્ય
- 3 લાખ- 6 લાખ: 5%
- 6 લાખથી 9 લાખ: 10%
- 9 લાખથી 12 લાખ: 15%
- 12 લાખથી રૂ. 15 લાખ: 20%
- 15 લાખથી વધુ: 30%
LTCG ટેક્સ બંધઃ બજેટમાં કરાયેલા સુધારા અનુસાર, આ વખતે પ્રથમ વખત મ્યુચ્યુઅલ ફંડમાં રોકાણ પર હાલના લોંગ ટર્મ કેપિટલ ગેઈન (LTCG)ને બદલે શોર્ટ ટર્મ કેપિટલ ગેઈન (STCG ટેક્સ) તરીકે ટેક્સ લાગશે. તે સ્પષ્ટ છે કે રોકાણકારો હવે લાંબા ગાળાના કર લાભો મેળવી શકશે નહીં.
માર્કેટ લિન્ક્ડ ડિબેન્ચર્સ પરના નિયમોઃ 1 એપ્રિલ પછી MLDsમાં રોકાણ ટૂંકા ગાળાની મૂડી અસ્કયામતો હશે.
ભૌતિક સોનાને ઈ-ગોલ્ડમાં રૂપાંતરિત કરવાના નિયમોઃ જો ભૌતિક સોનાને ઈલેક્ટ્રોનિક ગોલ્ડ રિસિપ્ટ (EGR) અથવા તેનાથી ઊલટું રૂપાંતરિત કરવામાં આવે તો કોઈ મૂડી કર લાભ ગણવામાં આવશે નહીં.
જીવન વીમા પોલિસી પર અસરઃ જીવન વીમા પ્રિમિયમમાંથી રૂ.5 લાખથી વધુ વાર્ષિક પ્રીમિયમની આવક પર ટેક્સ લાગશે. તેથી જ જો કોઈને મન હોય તો હજુ એક દિવસ બાકી છે. ઓનલાઈન બુક કરો. એ પણ સ્પષ્ટ કરો કે આ નિયમ યુલિપ પર લાગુ પડતો નથી.
LTA: (લીવ ટ્રાવેલ એલાઉન્સ) જે 2002થી રૂ. 3 લાખ હતું, તે હવે વધારીને રૂ. 25 લાખ કરવામાં આવશે.
સિનીયર સિટીઝન માટેના નિયમોમાં ફેરફારઃ સિનિયર સિટીઝન સેવિંગ્સ સ્કીમ હેઠળ મહત્તમ જમા મર્યાદા 15 લાખ રૂપિયાથી વધારીને 30 લાખ રૂપિયા કરવામાં આવી છે. ખાસ વાત એ છે કે 4.5 લાખથી 9 લાખ અને માસિક આવક યોજના (અનુક્રમે સિંગલ અને જોઈન્ટ એકાઉન્ટ માટે) 7.5 લાખથી વધારીને 15 લાખ કરવામાં આવી છે.
