અમદાવાદ વૈશ્વિક શેરબજાર (World Stock Market) તરફથી સારા સંકેત મળી રહ્યા છે. ત્યારે સપ્તાહના છેલ્લા દિવસે આજે (શુક્રવારે) ભારતીય શેરબજારની શરૂઆત (Stock Market India) ફ્લેટ થઈ છે. આજે સવારે 9.21 વાગ્યે બોમ્બે સ્ટોક એક્સચેન્જનો સેન્સેક્સ (Bombay Stock Exchange News) 80.38 પોઈન્ટ (0.13 ટકા)ના વધારા સાથે 61,830.98ના સ્તર પર વેપાર કરી રહ્યો હતો. જ્યારે નેશનલ સ્ટોક એક્સચેન્જનો નિફ્ટી (National Stock Exchange News) 24.40 પોઈન્ટ (0.13 ટકા)ના વધારા સાથે 18,368.30ના સ્તર પર જોવા મળી રહ્યો હતો.
વૈશ્વિક બજારની સ્થિતિ આજે એશિયન બજારમાં મિશ્ર વેપાર જોવા મળી રહ્યો છે. તો એસજીએક્સ નિફ્ટી (SGX Nifty) 45.50 પોઈન્ટ ઉછળ્યો છે. જ્યારે નિક્કેઈ 0.11 ટકાના વધારા સાથે 27,962.13ના સ્તર પર જોવા મળી રહ્યો છે. તો સ્ટ્રેઈટ ટાઈમ્સમાં 0.30 ટકાની નબળાઈ જોવા મળી રહી છે. જ્યારે તાઈવાનનું બજાર 0.07 ટકાના ઘટાડા સાથે 14,525.04ના સ્તર પર વેપાર કરી રહ્યું છે. ઉપરાંત હેંગસેંગ 0.96 ટકાના વધારા સાથે 18,218.19ના સ્તર પર જોવા મળી રહ્યું છે. બીજી તરફ કોસ્પીમાં 0.61 ટકાના વધારા સાથે વેપાર થઈ રહ્યો છે. તો શાંઘાઈ કોમ્પોઝિટ 0.13 ટકાના ઘટાડા સાથે 3,111.26ના સ્તર પર વેપાર કરી રહ્યો છે.
હાઈ ડિલીવરી પર્સેન્ટેજવાળા શેર્સ મેરિકો (Marico), એસબીઆઈ કાર્ડ (SBI Card), આઈસીઆઈસીઆઈ બેન્ક (ICICI Bank), એસબીઆઈ લાઈફ ઈન્શ્યોરન્સ કંપની (SBI Life Insurance Company), એનટીપીસી (NTPC).
