લંડનઃ ડાઉનિંગ સ્ટ્રીટ મુજબ 21 એપ્રિલે બોરિસ જ્હોન્સન ગુજરાતની મુલાકાતે (PM Boris Johnson Gujarat Visits) આવી રહ્યા છે. આ મુલાકાતથી બોરિસ જ્હોન્સન પ્રથમ બ્રિટિશ વડાપ્રધાન બનશે. તેઓ તેમના ભારતીય સમકક્ષ નરેન્દ્ર મોદી સાથે ગહન ચર્ચા માટે આગામી સપ્તાહે ભારતની બે દિવસની મુલાકાતે અમદાવાદ પહોંચશે. બ્રિટનના વડાપ્રધાન તરીકે જોન્સનની આ પ્રથમ ભારત મુલાકાત હશે. ગુજરાત વડાપ્રધાન મોદીનું હોમ ટાઉન (PM Modi Gujarat Visits) છે. ડાઉનિંગ સ્ટ્રીટે શનિવારે એક નિવેદનમાં જણાવ્યું હતું કે, યુકે અને ભારત બન્ને મુખ્ય ઉદ્યોગોમાં રોકાણની જાહેરાત કરશે. ત્યારબાદ જ્હોન્સન 22 એપ્રિલે મોદીને મળવા નવી દિલ્હી જશે, જ્યાં ભારત-યુકે વ્યૂહાત્મક સંરક્ષણ, રાજદ્વારી અને આર્થિક ભાગીદારી અંગે ચર્ચા કરવામાં (PM JOHNSON DEPTH TALKS WITH MODI) આવશે.
આ પણ વાંચો : President visits Gujarat : રાષ્ટ્રપતિ રામનાથ કોવિંદે દ્વારકા ખાતે દ્વારકાધીશના દર્શન કરી પૂજા-અર્ચના કરી
લોકશાહી દેશો સાથે મિત્રતા : ભારતની મુલાકાત પહેલા જ્હોન્સને કહ્યું હતું કે, મારી ભારતની મુલાકાત દરમિયાન મારું ધ્યાન રોજગાર નિર્માણ, આર્થિક વિકાસ, ઉર્જા સુરક્ષા અને બન્ને દેશો વચ્ચે સંરક્ષણ ક્ષેત્રમાં રોકાણ પર રહેશે. તેમણે વધુમાં તેમણે કહ્યું કે, અમે નિરંકુશ રાજ્યો તરફથી અમારી શાંતિ અને સમૃદ્ધિ સામે ખતરાનો સામનો કરી રહ્યા છીએ, તેથી લોકશાહી દેશો મિત્રો તરીકે સાથે રહે તે જરૂરી છે. તેમણે કહ્યું કે ભારત, એક મોટી આર્થિક શક્તિ અને વિશ્વની સૌથી મોટી લોકશાહી તરીકે, આ અનિશ્ચિત સમયમાં બ્રિટન માટે અત્યંત મૂલ્યવાન વ્યૂહાત્મક ભાગીદાર છે.
ગુજરાતમાં આ વર્ષે ચૂંટણી : વડાપ્રધાન જ્હોન્સન અમદાવાદમાં અગ્રણી ઉદ્યોગપતિઓ સાથે મુલાકાત (UK PM JOHNSON VISITS AHMEDABAD) કરશે. તેઓ યુકે અને ભારતના સમૃદ્ધ વ્યાપારી, વેપાર અને લોકો વચ્ચેના સંબંધો અંગે ચર્ચા કરશે. ભારતના પાંચમા સૌથી મોટા રાજ્ય ગુજરાતમાં પણ આ વર્ષે ચૂંટણી છે. નોંધનીય છે કે, બ્રિટનમાં રહેતા વિદેશી ભારતીય નાગરિકોની અડધી વસ્તી ગુજરાત સાથે સંકળાયેલી છે. ડાઉનિંગ સ્ટ્રીટના એક નિવેદનમાં જણાવાયું છે કે, વડાપ્રધાન ગુજરાતમાં યુકે અને ભારત બન્નેમાં મુખ્ય ઉદ્યોગોમાં મોટા રોકાણની જાહેરાત કરે તેવી અપેક્ષા છે. આનાથી ઘરઆંગણે નોકરીઓ અને વૃદ્ધિ તેમજ અત્યાધુનિક વિજ્ઞાન, આરોગ્ય અને ટેક્નોલોજી પર નવા સહયોગ તરફ દોરી જશે.
આ પણ વાંચો : રશિયાના વિદેશ પ્રધાને વડાપ્રધાન મોદી સાથે કરી મુલાકાત
યુકે અને ભારતની વ્યૂહાત્મક સંરક્ષણ : વડાપ્રધાન બોરિસ જ્હોન્સન આ બાદ શુક્રવારે (22 એપ્રિલ) વડા પ્રધાન મોદીને મળવા નવી દિલ્હી જશે. નિવેદનમાં જણાવાયું છે કે, નેતાઓ યુકે અને ભારતની વ્યૂહાત્મક સંરક્ષણ, રાજદ્વારી અને આર્થિક ભાગીદારી પર ઊંડાણપૂર્વક વાતચીત કરશે. જેનો હેતુ ઈન્ડો-પેસિફિકમાં ભાગીદારી અને સુરક્ષા સહયોગને આગળ વધારવાનો છે. ફ્રી ટ્રેડ એગ્રીમેન્ટ (FTA)ની વાતચીતનો આ મહિનાના અંતમાં તેના ત્રીજા રાઉન્ડ યોજાશે, તેના પરિણામે 2035 સુધીમાં બ્રિટનના કુલ વેપારમાં વાર્ષિક 28 બિલિયન ડોલર (USD 36 બિલિયન)નો વધારો થવાની આગાહી કરવામાં આવી છે.
