- રસીકરણ માટે 28 એપ્રિલથી નોંધણી શરૂ કરવામાં આવી છે
- રસીકરણ માટે રજિસ્ટ્રેશન કરાવવું ફરજિયાત છે
- 45 વર્ષથી ઉપરના લોકોને રસી આપવામાં આવી રહી છે
ન્યુ દિલ્હીઃ દેશમાં કોરોના વાઇરસના વધતા જતા કેસોની તપાસ માટે રસી એક નક્કર હથિયાર માનવામાં આવે છે. આવી સ્થિતિમાં, કેન્દ્ર સરકારે 1 મેથી 18 વર્ષથી ઉપરના તમામ લોકો માટે કોરોના રસી સ્થાપિત કરવાની મંજૂરી આપી છે. આ માટે નોંધણી આજથી (28 એપ્રિલ) થી શરૂ થશે.
આ પણ વાંચોઃ મહીસાગરમાં 2.71 લાખ નાગરિકોએ કરાવ્યું કોરોના રસીકરણ
પ્રથમ તબક્કામાં આરોગ્ય કર્મચારીઓને રસી અપાઇ હતી
16 જાન્યુઆરીથી દેશભરમાં કોરોના રસીકરણની શરૂઆત થઈ. પ્રથમ તબક્કામાં આરોગ્ય કર્મચારીઓને રસી આપવાનો નિર્ણય લેવામાં આવ્યો હતો. આ પછી,કામદારોને રસી આપવામાં આવી હતી. તે પછી, 60 વર્ષથી ઉપરના લોકો અને 45 વર્ષથી વધુ ઉંમરના લોકો, જેઓ રોગોથી પીડાય છે તેમને રસી આપવામાં આવી હતી.
રસી માટે ડોક્ટર પાસેથી બીમારીનું પ્રમાણપત્રક લેવું જરૂરી નથી
ચોથા તબક્કામાં, 45 વર્ષથી ઉપરના લોકોને રસી આપવામાં આવી રહી છે, આ માટે, ડોક્ટર પાસેથી બીમારીનું પ્રમાણપત્રક લેવું જરૂરી નથી. હવે પાંચમા તબક્કામાં 18 વર્ષથી વધુ ઉંમરના લોકોને રસી આપવાની તૈયારી શરૂ કરી દેવામાં આવી છે.
આ પણ વાંચોઃ અમદાવાદના વણી ગામમાં રસીકરણ કરવામાં આવ્યું
કેવી રીતે કરવું રજિસ્ટ્રેશન
- 18 વર્ષથી ઉપરનાં લોકો કોવિન પોર્ટલ અથવા આરોગ્ય સેતુ એપ્લિકેશન પર 28 એપ્રિલ બુધવારથી કોરોના રસીકરણ માટે નોંધણી કરાવી શકે છે.
- રસી લેનારાઓએ પહેલા કોવિન એપ પર અથવા cowin.gov.in વેબસાઇટ પર નોંધણી કરાવવી પડશે.
- નોંધણી કરવા માટે, તમારે પહેલા તમારા મોબાઇલ નંબરને એપ્લિકેશન અથવા વેબસાઇટ પર એડ કરવો પડશે. આ પછી, મોબાઇલ નંબર પર ઓટીપી આવશે. તેની ચકાસણી કરવી પડશે.
- હવે તમે રસીકરણ માટે નોંધણીના પૃષ્ઠ પર જશો. જ્યાં તમારે ફોટો આઈડી પ્રૂફ માહિતી ભરવાની રહેશે. તમે આધારકાર્ડ, ડ્રાઇવિંગ લાઇસન્સ, પાનકાર્ડ, પાસપોર્ટ અથવા પેન્શન પાસબુક પસંદ કરી શકો છો.
- પછી તમારે આઈડી પ્રૂફ નંબર, તમારું નામ, લિંગ અને જન્મ તારીખ ભરવી પડશે.
- બધી માહિતી ભર્યા પછી, તમારે રજિસ્ટર બટન પર ક્લિક કરવું પડશે. નોંધણી પછી તમે પસંદીદા રસીકરણ કેન્દ્ર પસંદ કરી શકો છો.
- આ પછી, તમને રસીકરણની તારીખ અને સમય વિશે માહિતી મળશે.
