ચંદીગઢઃ પંજાબ વિધાનસભા ચૂંટણીમાં (Punjab Assembly Election 2022) કોંગ્રેસ તરફથી સિદ્ધુ કે ચન્ની બનશે સીએમનો ચહેરો? જેનો સાંકેતિક ભષામાં જવાબ સામે આવ્યો છે. વાસ્તવમાં કોંગ્રેસે એક વીડિયો ટ્વીટ કર્યો છે. જેમાં એક્ટર સોનુ સૂદ જોવા મળી રહ્યો છે. કોંગ્રેસના સત્તાવાર ટ્વિટર હેન્ડલ પરથી ટ્વીટ કરેલા આ વીડિયોમાં સોનુ સૂદ કોણ નેતા હોવું જોઈએ તેના પર પોતાનો અભિપ્રાય આપે છે. કોંગ્રેસે ટ્વિટમાં લખ્યું છે કે, 'પંજાબની (Congress CM candidate In Punjab) જનતાનો અવાજ હવે પંજા સાથે મળી દરેક હાથને મજબૂત કરશે.'
-
बोल रहा पंजाब, अब पंजे के साथ- मजबूत करेंगे हर हाथ। pic.twitter.com/qQOZpnKItd
— Congress (@INCIndia) January 17, 2022 " class="align-text-top noRightClick twitterSection" data="
">बोल रहा पंजाब, अब पंजे के साथ- मजबूत करेंगे हर हाथ। pic.twitter.com/qQOZpnKItd
— Congress (@INCIndia) January 17, 2022बोल रहा पंजाब, अब पंजे के साथ- मजबूत करेंगे हर हाथ। pic.twitter.com/qQOZpnKItd
— Congress (@INCIndia) January 17, 2022
ખરો મુખ્યપ્રધાન એ કે ખરો રાજા કોણ?
ખરો મુખ્યપ્રધાન એ કે ખરો રાજા એ જેણે જબરદસ્તી ખુરશી પર બેસાડી દેવામાં આવે. જેણે સંઘર્ષ ના કરવો પડે. તેણે કહેવાની જરૂર ના પડે કે મારી મુખ્યપ્રધાન માટે પસંદગી થઇ છે. તે એવી વ્યકતિ હોવી જોઇએ કે જે બેક બેન્ચર હોય. જેને પાછળથી ઉઠાવીને લાવવામાં આવે અને એવું કહી શકાય કે, તું આ માટે લાયક છે.
સોનુ સૂદના આપ્યું નિવેદન
સોનુ સૂદના આ નિવેદન બાદ પૂરા વીડિયોમાં ચરણજીત સિંહ ચન્નીને અલગ-અલગ પ્રસંગો પર બતાવવામાં આવ્યા છે. સાંજે 6.45 વાગ્યે ટ્વીટ કરાયેલા આ વીડિયોને માત્ર ત્રણ કલાકમાં 45 હજારથી વધુ વ્યૂઝ મળી ગયા છે. આ વીડિયો ટ્વિટ પર ઘણા લોકોએ રસપ્રદ કોમેન્ટ્ મારી છે. ટ્વિટર હેન્ડલ @Marcusbharatએ લખ્યું કે, પંજાબમાં સીએમ ઉમેદવાર જાહેર કરવાની આ પદ્ધતિ ખુબ સારી છે.
વીડિયોમાં ચન્નીનો પ્રચાર
આ સિવાય સચિન પાયલટ લવર નામના એક ટ્વિટર યુઝરે આ વીડિયો પર પ્રતિક્રિયા આપી હતી. તેમાં નવજોત સિંહ સિદ્ધુને ટેગ કરીને લખ્યું છે કે, આ સિદ્ધુ માટે મુશ્કેલી બની ગઈ છે. આગામી સમયમાં તેઓ ખુદ સીએમ પદના પ્રબળ દાવેદાર છે. વીડિયોમાં ચન્નીનો પ્રચાર કરવામાં આવી રહ્યો છે.
પંજાબના સીએમ ઉમેદવારને લઈને ટ્વિટ
પંજાબના સીએમ ઉમેદવારને લઈને અન્ય એક ટ્વિટમાં, અંકિત નામના ટ્વિટર યુઝરે સોનુ સૂદના 'બેક બેન્ચર...'ના નિવેદન પર ટિપ્પણી કરી પૂછ્યું કે, બદમાશોને આગળ કરીને લાયક બાળકોને દબાવી દેજો, આ જ્ઞાન ક્યાંથી લાવો છો?
કેન્દ્રીય ચૂંટણી પંચે આપી જાણકારી
કેન્દ્રીય ચૂંટણી પંચે (Central Election Commission) કહ્યું કે, પંજાબ વિધાનસભાની ચૂંટણી 20 ફેબ્રુઆરીએ યોજાશે. ભારતના કેન્દ્રીય ચૂંટણી પંચ દ્વારા મતદાનની તારીખમાં 6 દિવસનો ફેરફાર કર્યો છે. અગાઉ પંજાબના સીએમ ચન્ની સાથે અન્ય બીજા નેતાઓએ મળીને કેન્દ્રીય ચૂંટણી પંચને પત્ર લખીને મતદાનની તારીખ પર પુનર્વિચાર કરવા કહ્યું હતું. પંજાબ વિધાનસભાનો કાર્યકાળ 27 માર્ચ, 2022ના રોજ સમાપ્ત થઈ રહ્યો છે.
ચરણજીત સિંહ ચન્ની ચમકૌર સાહિબથી ચૂંટણી લડશે
ઉલ્લેખનીય છે કે, પંજાબના મુખ્યપ્રધાન ચરણજીત સિંહ ચન્ની ચમકૌર સાહિબથી ચૂંટણી લડશે. પંજાબમાં સત્તાધારી કોંગ્રેસ પાર્ટીએ શનિવારે તેની પ્રથમ યાદીમાં 86 ઉમેદવારોના નામ જાહેર કર્યા છે. જેમાં સીએમ ચન્નીના નામનો પણ સમાવેશ છે. ચન્નીના ભાઈ મનોહર સિંહે રવિવારે કહ્યું કે, શાસક પક્ષે તેના વર્તમાન ધારાસભ્યને મેદાનમાં ઉતાર્યા બાદ હવે તે મતવિસ્તારમાંથી અપક્ષ તરીકે ચૂંટણી લડશે.
આ વખતે સ્પર્ધા પંચકોણીય થવાની આશા
ઉલ્લેખનીય છે કે, 8 જાન્યુઆરીએ ચૂંટણી પંચે પાંચ રાજ્યોમાં વિધાનસભા ચૂંટણી યોજવાની જાહેરાત (Punjab Assembly Election date) કરી હતી. જેમાં પંજાબ ઉત્તર પ્રદેશ, ગોવા, ઉત્તરાખંડ સહિત મણિપુરમાં પણ વિધાનસભા ચૂંટણી યોજાવાની છે. પંજાબમાં પરંપરાગત કોંગ્રેસ અને શિરોમણી અકાલી દળને બદલે આ વખતે સ્પર્ધા પંચકોણીય થવાની આશા છે. આ વખતે કોંગ્રેસ, આમ આદમી પાર્ટી, શિઅદ બહુજન સમાજ પાર્ટી ગઠબંધન, ભાજપ, પીએલસી, શિઅદ (સંયુક્ત) રાજ્યમાં સરકાર સ્થાપિત કરવા તેમની તમામ શક્તિ સાથે ચૂંટણીનો જંગ લડવા તૈયાર છે.
પંજાબનું રાજકીય લેન્ડસ્કેપ એક વર્ષમાં બદલાયું
રસપ્રદ વાત એ છે કે, પંજાબનું રાજકીય લેન્ડસ્કેપ છેલ્લા એક વર્ષમાં ઘણી વખત બદલાયું છે. શિઅદએ કૃષિ કાયદાના મુદ્દાઓ પર ભાજપથી દૂર થઇ અને બસપા સાથે ગઠબંધન કર્યું છે. જૂન 2021માં રચાયેલા આ ગઠબંધનમાં, એ વાત પર સહમતિ બની હતી કે, શીઅદ 97 સીટો પર અને બસપા 20 સીટો પર ચૂંટણી લડશે.
આ પણ વાંચો:
Isudan Gadhvi on BJP: ભાજપ મારી 5 પોલિસી અમલમાં મૂકશે તો હું રાજનીતિ છોડી દઈશઃ AAP નેતા ઈસુદાન ગઢવી
Rift in SPG : લેટરપેડ ફેક નથી, તમામ લોકોની સત્તાવાર નિમણૂક કરાઈ હોવાનો પૂર્વીન પટેલનો દાવો
