Twitter v/s Congress : પ્રિયંકાએ મૂક્યો રાહુલનો ફોટો, IYCએ બદલ્યું નામ, જાણો શા માટે થયો વિવાદ

ટ્વીટર પર પૂર્વ કોંગ્રેસ અધ્યક્ષ રાહુલ ગાંધી (Rahul Gandhi)સહિત પાંચ મોટા નેતાઓના એકાઉન્ટ બ્લોક કરવા પર પાર્ટીએ નવી રીતે વિરોધ કર્યો છે. કોંગ્રેસની દલીલ અલગ છે, તો ટ્વિટરનું સ્કેલ એક અલગ જ વાત કરી રહ્યું છે. જાણો શું છે સમગ્ર મામલો.

• રાહુલ ગાંધી સહિત કોંગ્રેસના ઘણા નેતાઓના એકાઉન્ટ બંધ કરવામાં આવ્યા હતા
• યુથ કોંગ્રેસ પ્રમુખ શ્રીનિવાસ બીવીએ ટ્વિટ કરીને કહ્યું કે, તમે કેટલા ટ્વિટર એકાઉન્ટ બંધ કરશો?
• પ્રિયંકા ગાંધી વાડ્રાએ પણ વિરોધના સ્વરૂપે પોતાનો પ્રોફાઇલ ફોટો બદલીને રાહુલ ગાંધીની તસવીર મૂકી છે

નવી દિલ્હી: પૂર્વ કોંગ્રેસ અધ્યક્ષ રાહુલ ગાંધી(Rahul Gandhi)ના ટ્વિટર એકાઉન્ટ બ્લોક કરવાના વિરોધમાં યુથ કોંગ્રેસ અધ્યક્ષ શ્રીનિવાસ બીવીએ ટ્વિટર (Twitter) પર પોતાનું નામ બદલીને રાહુલ ગાંધી કરી દીધું છે. એટલું જ નહીં, તેમણે પ્રોફાઇલ ફોટોમાં રાહુલ ગાંધીની તસવીર મૂકી છે.

આ પણ વાંચો- IT પ્રધાન રવિશંકર પ્રસાદનું ટ્વિટર એકાઉન્ટ એક કલાક માટે બ્લૉક

કોંગ્રેસી નેતાઓએ પણ પ્રોફાઇલ ફોટો બદલી કર્યો વિરોધ

કોંગ્રેસના મહાસચિવ પ્રિયંકા ગાંધી(Priyanka Gandhi) વાડ્રાએ પણ વિરોધના સ્વરૂપે પોતાનો પ્રોફાઇલ ફોટો બદલીને રાહુલ ગાંધીની તસવીર મૂકી છે. અન્ય ઘણા કોંગ્રેસી નેતાઓએ પણ ટ્વિટરની કાર્યવાહીના વિરોધમાં રાહુલ ગાંધીની તસવીર મૂકીને તેમના નામ બદલ્યા છે. ટ્વિટર માટે પણ આ સ્થિતિ નવી છે અને હવે માઇક્રો બ્લોગિંગ સાઇટ આ કોંગ્રેસ વિરોધી શૈલી પર શું કાર્યવાહી કરે છે તે જોવું રસપ્રદ રહેશે.

• #NewProfilePic pic.twitter.com/adJTBTMmOX

  — Priyanka Gandhi Vadra (@priyankagandhi) August 12, 2021 " class="align-text-top noRightClick twitterSection" data="

  #NewProfilePic pic.twitter.com/adJTBTMmOX

  — Priyanka Gandhi Vadra (@priyankagandhi) August 12, 2021

  ">

  #NewProfilePic pic.twitter.com/adJTBTMmOX

  — Priyanka Gandhi Vadra (@priyankagandhi) August 12, 2021

અમેરિકામાં ટ્વિટરે નફરતના ફેલાવાને રોકવા માટે ભૂતપૂર્વ રાષ્ટ્રપતિ ટ્રમ્પનું એકાઉન્ટ બંધ કર્યું હતું

યુથ કોંગ્રેસ પ્રમુખ શ્રીનિવાસ બીવીએ ટ્વિટ કરીને કહ્યું કે, તમે કેટલા ટ્વિટર એકાઉન્ટ બંધ કરશો? દરેક કાર્યકર રાહુલ ગાંધીનો અવાજ બનશે અને તમને તીખા પ્રશ્નો પૂછશે. ચાલો મળીને આ જન આંદોલનનો ભાગ બનીએ. તેમણે કહ્યું કે, અમેરિકામાં ટ્વિટરે નફરતના ફેલાવાને રોકવા માટે ભૂતપૂર્વ રાષ્ટ્રપતિ ટ્રમ્પનું એકાઉન્ટ બંધ કર્યું, ભારતમાં ટ્વિટરે સરકારના દબાવમાં વિપક્ષનો સૌથી મોટો અવાજ રાહુલ ગાંધી અને અન્ય એકાઉન્ટ પર એ માટે પાબંદી લગાવી છે કારણ કે તેઓ નફરત-અન્યાય વિરુદ્ધ અવાજ ઉઠાવી રહ્યા હતા.

Twitter v/s Congress

જુઓ શુ કહેવું છે ટ્વીટરનું

રાહુલ ગાંધી(Rahul Gandhi) સિવાય ટ્વિટરે કોંગ્રેસ અને તેના ઘણા વરિષ્ઠ નેતાઓના એકાઉન્ટ બ્લોક કરવાના મામલે નિવેદન બહાર પાડ્યા છે. માઈક્રો બ્લોગિંગ સાઈટનું કહેવું છે કે, અમે અમારા નિયમોને ન્યાયિક રીતે અને કોઈપણ પક્ષપાત વગર લાગુ કરીએ છીએ.

અમે ભવિષ્યમાં પણ અમારા નિયમો અનુસાર કાર્ય કરવાનું ચાલુ રાખીશું: ટ્વિટર પ્રવક્તા

ટ્વિટર પ્રવક્તા દ્વારા જારી કરાયેલા નિવેદનમાં કહેવામાં આવ્યું હતું કે, અમે આવા સેંકડો ટ્વીટ્સ પર અમારા તરફથી કાર્યવાહી કરી છે, જે અમારા નિયમોનું ઉલ્લંઘન કરે છે. અમે ભવિષ્યમાં પણ અમારા નિયમો અનુસાર કાર્ય કરવાનું ચાલુ રાખીશું. ટ્વિટરે કહ્યું કે, રાહુલ ગાંધી સહિત કોંગ્રેસના ઘણા નેતાઓના એકાઉન્ટ આ કારણથી બંધ કરવામાં આવ્યા હતા કારણ કે, તેમણે એક એવી તસવીર પોસ્ટ કરી હતી જેનાથી તેના નિયમોનું ઉલ્લંઘન થયું હતું અને આ કાર્યવાહી લોકોની ગોપનીયતાની રક્ષા અને સુરક્ષા માટે કરવામાં આવી છે.

આ પણ વાંચો- વડોદરાઃ ભાજપના મહિલા ધારાસભ્ય સીમા મોહિલેનું ફેસબુક એકાઉન્ટ હેક

આ મામલે કરવામાં આવી કાર્યવાહી

હકીકતમાં, ગયા અઠવાડિયે રાષ્ટ્રીય રાજધાનીમાં નવ વર્ષની દલિત છોકરી જોડે કથિત દુષ્કર્મ અને હત્યા બાદ તેના પરિવારની તસવીરો પોસ્ટ કરવા બદલ ટ્વિટરે રાહુલ અને કોંગ્રેસના ઘણા નેતાઓના ટ્વિટર હેન્ડલ્સને બંધ કર્યા છે. ત્યારબાદ ભાજપના પ્રવક્તાએ ટ્વિટરને આવું કરવાની માંગ કરી હતી. આ મામલે કાર્યવાહી કરતા રાહુલ ગાંધી(Rahul Gandhi)નું ઓફિશિયલ ટ્વિટર (Twitter)એકાઉન્ટ બંધ કરી દેવામાં આવ્યું હતું અને પોસ્ટ પણ હટાવી દેવામાં આવી હતી.