નવી દિલ્હી: દેશમાં 5G સેવાઓ શરૂ થવાના થોડા અઠવાડિયા પહેલા, વડા પ્રધાન નરેન્દ્ર મોદીએ ગુરુવારે કહ્યું (pm modi on 6g in India) હતું કે, સરકાર આ દાયકાના અંત સુધીમાં 6G શરૂ કરવાની તૈયારી (6G launch in India) કરી રહી છે. તેમણે વીડિયો કોન્ફરન્સિંગ દ્વારા સ્માર્ટ ઈન્ડિયા હેકાથોન 2022ના ગ્રાન્ડ ફિનાલેમાં તેમના સંબોધન દરમિયાન આ જાહેરાત કરી હતી. તેમણે જણાવ્યું હતું કે, કૃષિ અને આરોગ્ય ક્ષેત્રે ડ્રોન ટેક્નોલોજીના ઉપયોગને પ્રોત્સાહન આપવા યુવાનો નવા ઉકેલો પર કામ કરી શકે છે.
દાયકાના અંત સુધીમાં 6G: અમે આ દાયકાના અંત સુધીમાં 6G લોન્ચ કરવાની તૈયારી (preparing to launch 6g) કરી રહ્યા છીએ. સરકાર ગેમિંગ અને મનોરંજનમાં ભારતીય પ્રયાસોને પ્રોત્સાહિત કરી રહ્યા છીએ. પીએમ મોદીએ કહ્યું કે, સરકાર જે રીતે રોકાણ કરી રહી છે તેનો તમામ યુવાનોએ લાભ લેવો જોઈએ. વડા પ્રધાને કહ્યું કે દરરોજ નવા ક્ષેત્રો અને પડકારો નવીન ઉકેલો સાથે શોધવામાં આવી રહ્યા છે. તેમણે સંશોધકોને કૃષિ સંબંધિત સમસ્યાઓના ઉકેલો શોધવા કહ્યું. તેમણે યુવા ઈનોવેટર્સને દરેક ગામમાં ઓપ્ટિકલ ફાઈબર અને 5G લોન્ચ (5G launch in India) કરવા તેમજ ગેમિંગ ઈકોસિસ્ટમને વેગ આપવા જેવી પહેલોનો સંપૂર્ણ લાભ લેવા કહ્યું.
આ પણ વાંચોઃ મિલકત માટે માતાને ચામાં ઉંદરનું ઝેર આપતી દીકરી
ભારત 5G ટેક્નોલોજીના રોલઆઉટનું સાક્ષી બનવા માટે તૈયાર છે, જેનો સરકાર દાવો કરે છે કે, તે સસ્તું અને સુલભ હશે. અગાઉના દિવસે, એક પ્રેસ કોન્ફરન્સમાં, કેન્દ્રીય આઇટી પ્રધાન અશ્વિની વૈષ્ણવે કહ્યું હતું કે, ભારતમાં ઓક્ટોબર 2022 સુધીમાં 5G મોબાઇલ સેવા શરૂ કરવામાં આવશે. 12 ઓક્ટોબર સુધીમાં આ સેવા શરૂ કરવામાં આવશે. એમ પણ કહ્યું કે, આ સેવાને તમામની પહોંચમાં રાખવાના પ્રયાસો કરવામાં આવશે. તેમણે કહ્યું કે, આગામી બે-ત્રણ વર્ષમાં દેશના ખૂણે ખૂણે 5G સેવા ઉપલબ્ધ થશે. વૈષ્ણવે કહ્યું કે, અમારો પ્રયાસ છે કે તેને વહેલી તકે બહાર પાડવામાં આવે. જેના કારણે તેની તૈયારીઓ કરવામાં આવી રહી છે.
શહેરોમાં 5G: ટેલિકોમ કંપનીઓ આ દિશામાં ઝડપથી કામ કરી રહી છે. તેમણે કહ્યું કે, ઇન્સ્ટોલેશનનું કામ ચાલી રહ્યું છે. ટેલિકોમ પ્રધાને કહ્યું કે પહેલા તેને કેટલાક શહેરોમાં શરૂ કરવામાં આવશે, ત્યારબાદ તેને ધીમે ધીમે દેશના અન્ય ભાગોમાં લઈ જવામાં આવશે. જે શહેરોમાં 5G સેવા સૌપ્રથમ શરૂ થઈ રહી છે તેમાં દિલ્હી, લખનૌ, ચંદીગઢ, અમદાવાદ, ગાંધીનગર, ગુરુગ્રામ, હૈદરાબાદ, જામનગર, કોલકાતા, બેંગ્લોર, ચેન્નાઈ, મુંબઈ અને પૂણેનો સમાવેશ થાય છે.
આ પણ વાંચોઃ આસામમાં માતૃભાષા માટે ABVPના મંત્રીને નાગપુર બોલાવ્યા
તમને જણાવી દઈએ કે 5G સ્પેક્ટ્રમની હરાજીમાં ભાગ લેનારી કંપનીઓએ સરકારને ચૂકવણી કરી છે. માહિતી અનુસાર, રિલાયન્સ જિયોએ 7864 કરોડ અને એરટેલે 8312 કરોડનો પહેલો હપ્તો આપ્યો છે. તમામ કંપનીઓ દ્વારા 17876 કરોડની ચૂકવણી કર્યા બાદ સ્પેક્ટ્રમ ફાળવવામાં આવ્યું છે. એરટેલના વડા સુનિલ ભારતી મિત્તલે જણાવ્યું હતું કે સરકારને ચુકવણી કર્યાના થોડા કલાકોમાં એરટેલને સ્પેક્ટ્રમ ફાળવવામાં આવ્યું છે. સ્પેક્ટ્રમની સાથે ઈ-બેન્ડની પણ ફાળવણી કરવામાં આવી છે.
નવીનતાની સ્વીકૃતિઃ દરમિયાન, સ્માર્ટ ઈન્ડિયા હેકાથોનમાં, વડા પ્રધાન મોદીએ ભારપૂર્વક જણાવ્યું હતું કે ભારતમાં નવીનતાની સંસ્કૃતિને પ્રોત્સાહન આપવા માટે, આપણે સતત બે બાબતો પર ધ્યાન કેન્દ્રિત કરવું પડશે- સામાજિક સમર્થન અને બીજું- સંસ્થાકીય સમર્થન. વડાપ્રધાને ભારપૂર્વક જણાવ્યું હતું કે સમાજમાં વ્યવસાય તરીકે નવીનતાની સ્વીકૃતિ વધી છે અને આવી સ્થિતિમાં આપણે નવા વિચારો અને મૂળ વિચારને સ્વીકારવા પડશે. વડા પ્રધાને કહ્યું કે સંશોધન અને નવીનતાને કામ કરવાની રીતથી જીવનની રીતમાં બદલવી જોઈએ.
ડિજિટલ અને ટેલેન્ટ ક્રાંતિઃ વડાપ્રધાને કહ્યું કે છેલ્લા 7-8 વર્ષમાં દેશ એક પછી એક ક્રાંતિ દ્વારા ઝડપથી આગળ વધી રહ્યો છે અને ઉમેર્યું કે આજે ડિજિટલ અને ટેલેન્ટ ક્રાંતિ થઈ રહી છે. તેમણે કહ્યું કે આજે ભારતમાં ઈન્ફ્રાસ્ટ્રક્ચર ક્રાંતિ થઈ રહી છે, આજે ભારતમાં સ્વાસ્થ્ય ક્ષેત્રની ક્રાંતિ થઈ રહી છે, આજે ભારતમાં ડિજિટલ ક્રાંતિ થઈ રહી છે, આજે ભારતમાં ટેક્નોલોજી ક્રાંતિ થઈ રહી છે, આજે ભારતમાં પ્રતિભા ક્રાંતિ થઈ રહી છે. મોદીએ કહ્યું કે તેમણે કહ્યું કે આજે દરેક ક્ષેત્રને આધુનિક બનાવવા પર ધ્યાન આપવામાં આવી રહ્યું છે. મહત્વાકાંક્ષી સમાજ વિશેની તેમની સ્વતંત્રતા દિવસની ઘોષણાનો ઉલ્લેખ કરતા વડાપ્રધાને કહ્યું કે આ મહત્વાકાંક્ષી સમાજ આવનારા 25 વર્ષોમાં પ્રેરક બળ તરીકે કામ કરશે. તેમણે કહ્યું કે આ સમાજની આકાંક્ષાઓ, સપનાઓ અને પડકારો ઈનોવેટર માટે ઘણી તકો લાવશે.
