નવી દિલ્હી/મુંબઈ : વડાપ્રધાન નરેન્દ્ર મોદી રવિવારે દિલ્હી-મુંબઈ એક્સપ્રેસવેના 246 કિલોમીટર લાંબા દિલ્હી-દૌસા-લાલસોટ સેક્શનનું ઉદ્ઘાટન કરશે. એક્સપ્રેસ વેના આ વિભાગના પ્રારંભ સાથે, રાષ્ટ્રીય રાજધાનીથી જયપુર સુધીની મુસાફરીનો સમય પાંચ કલાકથી ઘટીને લગભગ સાડા ત્રણ કલાક થવાની ધારણા છે.
દિલ્હી-મુંબઈ એક્સપ્રેસવે : વડાપ્રધાન કાર્યાલય (PMO) એ જણાવ્યું હતું કે, રૂપિયા 12,150 કરોડથી વધુના ખર્ચે વિકસિત દિલ્હી-મુંબઈ એક્સપ્રેસવેનો આ પ્રથમ પૂર્ણ થયેલ વિભાગ સમગ્ર વિસ્તારના આર્થિક વિકાસને વેગ આપશે. મોદી દૌસાથી રૂપિયા 18,100 કરોડથી વધુના રોડ ડેવલપમેન્ટ પ્રોજેક્ટ્સનું લોકાર્પણ કરશે અને બેંગલુરુના યેલાહંકાના એરફોર્સ સ્ટેશન ખાતે એરો ઈન્ડિયા 2023ની 14મી આવૃત્તિનું ઉદ્ઘાટન કરવા સોમવારે કર્ણાટકની મુલાકાત લેશે. PMOએ કહ્યું કે, 'નવા ભારતમાં' વૃદ્ધિ અને કનેક્ટિવિટીના એન્જિન તરીકે ઉત્તમ રોડ ઈન્ફ્રાસ્ટ્રક્ચર બનાવવા પર મોદીનો ભાર દેશભરમાં ચાલી રહેલા અનેક વિશ્વ-સ્તરીય એક્સપ્રેસવેના નિર્માણમાં અનુભવી શકાય છે.
દિલ્હી-મુંબઈ એક્સપ્રેસવે ભારતનો સૌથી લાંબો એક્સપ્રેસવે હશે : દિલ્હી-મુંબઈ એક્સપ્રેસવે 1,386 કિમીની લંબાઈ સાથે ભારતનો સૌથી લાંબો એક્સપ્રેસવે હશે. તે દિલ્હી અને મુંબઈ વચ્ચેની મુસાફરીનું અંતર 1,424 કિલોમીટરથી 12 ટકા ઘટાડીને 1,242 કિલોમીટર કરશે. આનાથી બે મહાનગરો વચ્ચેનો મુસાફરીનો સમય 50 ટકા ઘટશે. હાલમાં દિલ્હીથી મુંબઈની મુસાફરીમાં 24 કલાકનો સમય લાગે છે પરંતુ આ એક્સપ્રેસ વે શરૂ થયા બાદ તેને પૂર્ણ થવામાં લગભગ 12 કલાકનો સમય લાગશે.
આ પણ વાંચો : DGCA DGCA Imposes Penalty On Air Asia : DGCAએ નિયમોના ઉલ્લંઘન બદલ એર એશિયા પર 20 લાખનો ફટકાર્યો દંડ
આ એક્સપ્રેસ વે 6 રાજ્યોમાંથી પસાર થશે : આ એક્સપ્રેસ વે 6 રાજ્યો દિલ્હી, હરિયાણા, રાજસ્થાન, મધ્યપ્રદેશ, ગુજરાત અને મહારાષ્ટ્રમાંથી પસાર થશે અને કોટા, ઈન્દોર, જયપુર, ભોપાલ, વડોદરા અને સુરત જેવા મોટા શહેરોને જોડશે. PMOએ કહ્યું કે, તે તમામ અડીને આવેલા પ્રદેશોના વિકાસના માર્ગ પર ઉત્પ્રેરક અસર કરશે અને આ રીતે દેશના આર્થિક પરિવર્તનમાં મોટો ફાળો આપશે. આ કાર્યક્રમ દરમિયાન, મોદી 5,940 કરોડ રૂપિયાથી વધુના ખર્ચે વિકસાવવામાં આવનાર 247 કિલોમીટર લાંબા રાષ્ટ્રીય ધોરીમાર્ગ પરિયોજનાઓનો શિલાન્યાસ પણ કરશે.
એરો ઈન્ડિયા 2023 ની થીમ : બેંગલુરુમાં વડાપ્રધાનના કાર્યક્રમ અંગે PMOએ કહ્યું કે, એરો ઈન્ડિયા 2023 ની થીમ 'ધ રનવે ટુ અ બિલિયન ઓપોર્ચ્યુનિટીઝ' છે. 'મેક ઈન ઈન્ડિયા, મેક ફોર ધ વર્લ્ડ'ના મોદીના વિઝનને અનુરૂપ, આ ઈવેન્ટ સ્વદેશી ઉપકરણો, ટેક્નોલોજી અને વિદેશી કંપનીઓ સાથે ભાગીદારી કરવા પર ધ્યાન કેન્દ્રિત કરશે. ભારતીય સંરક્ષણ ક્ષેત્રમાં આત્મનિર્ભરતા પર વડાપ્રધાનનો ભાર પણ પ્રદર્શિત થશે, કારણ કે આ ઇવેન્ટ ડિઝાઇન નેતૃત્વમાં દેશની પ્રગતિ અને UAV ક્ષેત્ર, સંરક્ષણ ક્ષેત્ર અને ભાવિ તકનીકોમાં પ્રગતિ દર્શાવશે.
આ પણ વાંચો : IMF Loan Pakistan : પાકિસ્તાન કેબિનેટ સમિતિએ વીજળીના દરમાં વધારો કર્યો, આઈએમએફને ખુશ કરવાનું પગલું
દેશી એરિયલ પ્લેટફોર્મની નિકાસની સુવિધા આપશે : PMOએ જણાવ્યું હતું કે, આ ઉપરાંત આ કાર્યક્રમ લાઇટ કોમ્બેટ એરક્રાફ્ટ (LCA)-તેજસ, HTT-40, ડોર્નિયર લાઇટ યુટિલિટી હેલિકોપ્ટર (LUH), લાઇટ કોમ્બેટ હેલિકોપ્ટર (LCH) અને એડવાન્સ લાઇટ હેલિકોપ્ટર (LCH) જેવા સ્વદેશી એરિયલ પ્લેટફોર્મની નિકાસની સુવિધા આપશે. આ ઇવેન્ટ સ્થાનિક સૂક્ષ્મ, નાના અને મધ્યમ ઉદ્યોગો (MSME) અને સ્ટાર્ટ-અપ્સને વૈશ્વિક પુરવઠા શૃંખલાઓમાં એકીકૃત કરવામાં અને સહ-વિકાસ અને સહ-ઉત્પાદન માટેની ભાગીદારી સહિત વિદેશી રોકાણ આકર્ષવામાં પણ મદદ કરશે. PMOએ કહ્યું કે, એરો ઈન્ડિયા 2023 પ્રદર્શનમાં લગભગ 100 વિદેશી અને 700 ભારતીય સહિત 800 થી વધુ સંરક્ષણ કંપનીઓ ભાગ લેશે.
