દિલ્હી: હાઈકોર્ટે શીખ મુસાફરોને ડોમેસ્ટિક ફ્લાઈટમાં કિરપાણને લઈ જવાની મંજૂરી આપવાના સરકારના નિર્ણયને પડકારતી PILને ફગાવી દીધી (PIL seeking ban on Sikhs from carrying saber) હતી. મુખ્ય ન્યાયાધીશ સતીશ ચંદ્ર શર્મા અને ન્યાયાધીશ સુબ્રમણ્યમ પ્રસાદની ડિવિઝન બેન્ચે ગુરુવારે એડવોકેટ હર્ષ વિભોર સિંઘલની અરજીને ફગાવી દેતા ચુકાદો આપ્યો હતો.
આ પણ વાંચો: કેરલા થી દુબઈ જતી ભારત એક્સપ્રેસ ફ્લાઇટમાં સાપ મળ્યો
સરકારના નિર્ણયને પડકારતી PILને ફગાવી દીધી: PILએ સિવિલ એવિએશનના મહાનિર્દેશાલય (Directorate General of Civil Aviation) દ્વારા 4 માર્ચ, 2022ના રોજ શીખ સમુદાયના સભ્યોને સિવિલ ફ્લાઈટ્સ દરમિયાન કિરપાણ લઈ જવાની મંજૂરી આપતી સુચનાને પડકારી હતી. નોટિફિકેશનમાં જણાવાયું છે કે શીખોને કિરપાન સાથે રાખવાની મંજૂરી આપવામાં આવશે, જો કે તેની બ્લેડની લંબાઈ છ ઈંચથી વધુ ન હોય અને તેની કુલ લંબાઈ નવ ઈંચથી વધુ ન હોય. બાદમાં એક સુધારાત્મક પત્ર જારી કરવામાં આવ્યો હતો, જેમાં એરપોર્ટ પર કામ કરતા શીખોને પણ કિરપાન ધારણ કરવાની છૂટ આપવામાં આવી હતી.
આ પણ વાંચો: સાબરમતી નદી પર બે ડેમને મંજૂરી આપતા લોકોએ આપી આંદોલનની ચીમકી
બંધારણ દ્વારા ધાર્મિક સ્વતંત્રતાના અધિકાર હેઠળ: તેમની અરજીમાં, સિંઘલે દલીલ કરી હતી કે નાગરિક વિમાનમાં સેબરનું વહન ઉડ્ડયન સુરક્ષા માટે ખતરનાક અસરો ધરાવે છે, અને ભૂતકાળમાં એવા કિસ્સાઓ છે કે જ્યાં વિમાનોને હાઇજેક કરવા માટે તેનો ઉપયોગ હથિયાર તરીકે કરવામાં આવ્યો હોય. અરજીમાં 1981 અને 1984 ના ઉદાહરણો ટાંકવામાં આવ્યા હતા, જ્યારે આવા અપહરણ કરવામાં આવ્યા હતા અને આતંકવાદીઓએ સરકાર દ્વારા રાખવામાં આવેલા કેદીઓને મુક્ત કરવાની માંગ કરી હતી. દેશમાં શીખોને તેમના ધાર્મિક નિયમો અનુસાર કિરપાણ પહેરવાની છૂટ આપવામાં આવી છે. બંધારણ દ્વારા ધાર્મિક સ્વતંત્રતાના અધિકાર હેઠળ શીખ સમુદાયને આ છૂટ આપવામાં આવી છે.
