મથુરાઃ જિલ્લાના ગોવર્ધન નગરમાં મસ્જિદમાં લાઉડસ્પીકરથી આઝાન બંધ કરવાનો આદેશ (azaan through loudspeakers) આપવામાં આવ્યો છે. આજે શનિવારે હનુમાન જયંતિના દિવસે હિન્દુ સંગઠનના લોકોએ મસ્જિદની સામે હનુમાન ચાલીસાના પાઠ કરવાની જાહેરાત કરી હતી. હિન્દુ સંગઠનના લોકો એકઠા થતા જ મુસ્લિમ લોકોએ મસ્જિદમાંથી લાઉડસ્પીકર હટાવી દીધા હતા. તેમણે લાઉડસ્પીકર દ્વારા આઝાન ન આપવાની જાહેરાત કરી હતી. આ પ્રસંગે પોલીસ બંદોબસ્ત ગોઠવી દેવામાં આવ્યો છે. હવે પછીના આદેશ સુધી મસ્જિદમાંથી લાઉડસ્પીકરથી આઝાન બોલવામાં આવશે નહીં.
આ પણ વાંચો : ભગવા કપડા પહેરીને બળાત્કારની ધમકી આપતા યુવકનો વીડિયો વાયરલ, પોલીસે દાખલ કર્યો કેસ
મસ્જિદમાં લાઉડસ્પીકરથી આઝાન : આ દરમિયાન સ્થળ પર પોલીસ બંદોબસ્ત ગોઠવી દેવામાં આવ્યો છે. આગામી આદેશો સુધી મસ્જિદમાં લાઉડસ્પીકરથી આઝાન આપવામાં આવશે નહીં. હિન્દુ સંગઠનોએ હનુમાન જયંતિના દિવસે હનુમાન ચાલીસાના પાઠ કરવાની જાહેરાત કરી હતી. જે માટે તેઓ આજે મસ્જિદ પાસે હાજર રહ્યા હતા. વાતાવરણને જોતા મસ્જિદમાંથી લાઉડસ્પીકર હટાવી દેવામાં આવ્યા હતા. આ બાદ, મસ્જિદના અધિકારીએ લાઉડસ્પીકર દ્વારા આઝાન ન આપવાનો નિર્ણય કર્યો. હવે જ્યાં સુધી જિલ્લા વહીવટીતંત્ર વધુ આદેશ ન આપે ત્યાં સુધી લાઉડસ્પીકરથી આઝાન આપવામાં આવશે નહીં.
હિન્દુ સંગઢન દ્વારા વિરોધ : હિન્દુ વાહિની સંગઠનના શ્યામ સુંદર ઉપાધ્યાયે જણાવ્યું કે, હનુમાન જયંતિ પર સંગઠનના કાર્યકરો મસ્જિદની નીચે આવ્યા હતા અને હનુમાન ચાલીસા કરવાની જાહેરાત કરી હતી. તેમણે કહ્યું કે, શહેરમાં કોઈ મસ્જિદ નથી. લોકોને હેરાન કરવા માટે લાઉસસ્પીકરનો ઉપયોગ કરવામાં આવે છે. અહીં ન તો મુસ્લિમોની વસ્તી છે કે ન તો મસ્જિદની પ્રકૃતિ. આ બાદ પણ, હિન્દુઓને હેરાન કરવા માટે લાઉડસ્પીકર દ્વારા દિવસમાં 5 વખત આઝાન આપવામાં આવે છે. આજે હનુમાન જયંતિ છે, શું આપણે આ અંગે હનુમાન ચાલીસા અને હવન ન કરી શકીએ ?
આ પણ વાંચો : કર્ણાટક: મુસ્લિમ વેપારીઓની દુકાનમાં તોડ-ફોડ, ફળોને પણ માઠું નુકસાન
લાઉડસ્પીકર હટાવી દેવામાં આવ્યા : જો કે હવે મસ્જિદમાંથી લાઉડસ્પીકર હટાવી દેવામાં આવ્યા છે અને ત્યાં આઝાન થશે નહીં. અનવર હુસૈન એડવોકેટે જણાવ્યું કે, પોલીસ રાત્રે પણ અહીં આવી હતી અને કહ્યું હતું કે લાઉડસ્પીકર બંધ કરો. અમે જિલ્લા પ્રશાસન પાસે એવી પરવાનગી માંગી છે કે, સાંપ્રદાયિક સૌહાર્દ જાળવવા માટે કોઈ પણ પ્રકારની સમસ્યા નહીં થાય, કેટલાક સંગઠનોના લોકો અહીં એકઠા થયા હતા અને સૂત્રોચ્ચાર કરવામાં આવ્યા હતા. તેઓ જે રીતે ઉશ્કેરણીજનક વાતાવરણ બનાવવા માંગે છે તે જોતા મસ્જિદમાંથી લાઉડસ્પીકર હટાવી દેવામાં આવ્યા છે અને લાઉડસ્પીકર દ્વારા આઝાન ન આપવાનો નિર્ણય લેવામાં આવ્યો છે.
