નવી દિલ્હી: રામલીલા મેદાનમાં ફરી એકવાર મજદૂર કિસાન સંઘર્ષ રેલી શરૂ થઈ ગઈ છે. તમને જણાવી દઈએ કે, થોડા દિવસો પહેલા આ મેદાનમાં સંયુક્ત કિસાન મોરચાની રેલીનું આયોજન કરવામાં આવ્યું હતું, પરંતુ બુધવારે રામલીલામાં મજદૂર કિસાન સંગઠનની રેલીમાં દેશના વિવિધ રાજ્યોમાંથી મોટી સંખ્યામાં ખેડૂતો અને મજૂરો દિલ્હી પહોંચી રહ્યા છે.
આ પણ વાંચોઃ રત્નાગિરીથી કોઝિકોડ ટ્રેનમાં આગ લગાડનાર આરોપીની મહારાષ્ટ્રથી કરાઈ ધરપકડ
અનેક રસ્તાઓ બંધ કરાયાઃ દિલ્હીના રામલીલા મેદાનમાં પહોંચતી ખેડૂતો અને મજૂરોની રેલીને ધ્યાનમાં રાખીને દિલ્હી ટ્રાફિક પોલીસ દ્વારા ઘણા રૂટ ડાયવર્ટ કરવામાં આવ્યા છે અને ટ્રાફિક એડવાઈઝરી જારી કરવામાં આવી છે. જેમાં અનેક રસ્તાઓ બંધ કરી દેવામાં આવ્યા છે. દિલ્હી ટ્રાફિક પોલીસના જણાવ્યા અનુસાર, લોકોને અપીલ પણ કરવામાં આવી છે કે, જે લોકો પર્વતગંજ ચોક, કેજી માર્ગ, મિન્ટો રોડ, બારાખંબા અને જનપદ તરફ જઈ રહ્યા છે, તેઓએ આ માર્ગ પર જવાનું ટાળવું જોઈએ, કારણ કે જામની સમસ્યા થઈ શકે છે.
દિલ્હી પોલીસકર્મીઓ તૈનાતઃ આ સાથે પોલીસ દ્વારા જેએલએન માર્ગ, કમલા માર્કેટ, અને હમદર્દ ચોક, ભૂગર્ભ માર્ગ, મહારાજા રણજીત સિંહ માર્ગ અને અજમેરી ગેટ, દિલ્હી દરવાજા તરફ જતા રસ્તાઓ પર પણ એડવાઈઝરી જારી કરવામાં આવી છે. આ સાથે રામલીલા મેદાનની આસપાસ મોટી સંખ્યામાં અર્ધલશ્કરી દળો, દિલ્હી પોલીસના જવાનો અને ટ્રાફિક પોલીસકર્મીઓને પણ તૈનાત કરવામાં આવ્યા છે, જેથી લોકોને કોઈ અસુવિધાનો સામનો ન કરવો પડે.
આ પણ વાંચોઃ Bombay High Court: જ્યારે સહમતિથી સંબંધમાં ખટાશ આવે ત્યારે દુષ્કર્મનો આરોપ ન લગાવી શકાય
ખેડૂતો અને મજૂરોએ પીએમને કર્યો સવાલઃ તમને જણાવી દઈએ કે આ પ્રદર્શન સેન્ટર ઓફ ઈન્ડિયન ટ્રેડ, યુનિયન ઓલ ઈન્ડિયા કિસાન સભા અને ઓલ ઈન્ડિયા એગ્રીકલ્ચર વર્કર્સ યુનિયન દ્વારા આયોજિત કરવામાં આવી રહ્યું છે. બીજી તરફ એઆઈકેએસ મોરચા તરફથી કહેવામાં આવી રહ્યું છે કે, અમારો સવાલ દેશની નરેન્દ્ર મોદી સરકારને છે કે બે કરોડ લોકોને નોકરીનું વચન આપવામાં આવ્યું હતું, પરંતુ અમે સરકારને પૂછવા માંગીએ છીએ કે, તે નોકરીઓ ક્યાં ગઈ અને કેટલી? લોકોને નોકરી આપવામાં આવી છે. આજે આ દેશમાં દૈનિક વેતન મજૂરોનો મોટો પ્રશ્ન છે.
