પલક્કડ (કેરળ): સોમવારે રાત્રે કેરળના પલક્કડના થિરુવિલ્વામાલામાં મોબાઈલ ફોનમાં વિસ્ફોટ થતાં આઠ વર્ષની બાળકીનું મોત થયું હતું. પોલીસે તપાસ શરૂ કરી છે. આ દુર્ઘટના સોમવારે રાત્રે લગભગ 10.30 વાગ્યે પટ્ટીપરંબા મરિયમ્માન મંદિર પાસેના એક મકાનમાં બની હતી. બાળકી આદિત્યશ્રીનું ઘટનાસ્થળે જ મોત થયું હતું. આદિત્યશ્રી તિરુવિલવામાલા પુનરજાની ક્રાઈસ્ટ ન્યુ લાઈફ સ્કૂલમાં ત્રીજા ધોરણની વિદ્યાર્થીની (Tiruvilvamala Punarjani Christ New Life School) હતી. તે અશોક કુમાર અને સૌમ્યાની એકમાત્ર પુત્રી હતી.
પોલીસ તપાસ શરૂ: પઝયાનુર પોલીસે ઘટનાસ્થળે પહોંચી તપાસ શરૂ કરી છે. ફોરેન્સિક નિષ્ણાતોને પણ સામેલ કરવામાં આવ્યા છે. પોલીસે જણાવ્યું કે ફોરેન્સિક રિપોર્ટ આવ્યા બાદ જ વધુ માહિતી મળી શકશે. ફેબ્રુઆરીમાં બદનગર શહેરમાં એક 68 વર્ષીય વ્યક્તિનું મોત સમાન મોબાઈલ બ્લાસ્ટની ઘટનામાં થયું હતું. ગયા વર્ષે ઉત્તર પ્રદેશના બરેલીમાં ચાર્જિંગ માટે રાખેલી મોબાઈલ ફોનની બેટરી ફાટતાં આઠ મહિનાના બાળકનું મૃત્યુ થયું હતું. તેના માતા-પિતાએ છ મહિના પહેલા ફોન ખરીદ્યો હતો પરંતુ છેલ્લા કેટલાક દિવસોથી તેની બેટરી ખરાબ થઈ રહી હતી.
આ પણ વાંચો Rescue Live Video: ગંગાના પ્રવાહમાં ગુજરાતનો એક શ્રદ્ધાળુ તણાયો, CPU જવાને છલાંગ લગાવી બચાવ્યો જીવ
આ બાબતોનું રાખો ધ્યાન: મોબાઇલ ફોન વિસ્ફોટ ઘણા કારણોસર થઈ શકે છે પરંતુ મુખ્ય કારણ ઉપકરણની બેટરી છે. નિષ્ણાતોનું કહેવું છે કે જો ચાર્જિંગ દરમિયાન બેટરી વધુ ગરમ થઈ જાય તો ઉપકરણની રાસાયણિક રચનાને નુકસાન થઈ શકે છે, જેના કારણે તે વિસ્ફોટ થઈ શકે છે. નિષ્ણાતોના મતે, વિસ્ફોટને કારણે નુકસાનની શક્યતાઓને ઘટાડવા માટે, ઉપકરણને સૂતી વખતે ચાર્જ કરવાનું ટાળવાની સલાહ આપવામાં આવે છે, ફોનને લગભગ 30 ટકા બેટરી લાઇફ પર ચાર્જ કરો અને તેને વધુ ચાર્જ કરવાનું ટાળો.
આ પણ વાંચો American missile: ભારત નેવી માટે રશિયન અને અમેરિકન મિસાઈલ સિસ્ટમ ખરીદશે
