દિલ્હી: ગ્લોબલ રોડ સેફ્ટી બોડી (Global road safety body) ઇન્ટરનેશનલ રોડ ફેડરેશને સોમવારે નાણાપ્રધાન નિર્મલા સીતારમણને હેલ્મેટ પર લાદવામાં આવેલ ગુડ્સ એન્ડ સર્વિસ ટેક્સ (GST) પાછો ખેંચવા વિનંતી કરી હતી. હાલ હેલ્મેટ પર જીએસટીનો લાગુ દર 18 ટકા છે. નાણાપ્રધાનને લખેલા પત્રમાં ઇન્ટરનેશનલ રોડ ફેડરેશન (International Road Federation)ના માનદ પ્રમુખ કેકે કપિલાએ જણાવ્યું હતું કે માર્ગ અકસ્માતો વૈશ્વિક જોખમ છે. ભારતમાં કુલ મૃત્યુમાંથી લગભગ 11 ટકા મૃત્યુ આ જ કારણથી થાય છે જ્યારે તેને રોકી શકાય છે.
"સડક સુરક્ષા નિષ્ણાતોના મતે, 2025 સુધીમાં માર્ગ અકસ્માતના મૃત્યુમાં 50 ટકાનો ઘટાડો કરવા માટે, 2030 ના અંત પહેલા, હેલ્મેટ પર કોઈ GST ન હોવો જોઈએ," તેમણે કહ્યું. કપિલાએ જણાવ્યું હતું કે, "આ બદલામાં માત્ર ટુ-વ્હીલર સવારોના માર્ગ અકસ્માતના મૃત્યુને ઘટાડવામાં મદદ કરશે નહીં, પરંતુ આપણા અર્થતંત્રમાં માર્ગ અકસ્માતોને કારણે કુલ GDP નુકસાનને ઘટાડવામાં પણ મદદ કરશે."- કેકે કપિલા, ઇન્ટરનેશનલ રોડ ફેડરેશનના માનદ પ્રમુખ
