નવી દિલ્હી: ભારતના ઓલિમ્પિક મેડલ વિજેતા કુસ્તીબાજો છેલ્લા ચાર દિવસથી દિલ્હીના જંતર-મંતર પર તેમની માંગણીઓ માટે વિરોધ પ્રદર્શન કરી રહ્યા છે. જો કે આ દરમિયાન, કેટલીક એવી તસવીરો સામે આવી છે, જે દર્શાવે છે કે કુસ્તીબાજો માટે દેશ પ્રથમ આવે છે. જંતર-મંતર ખાતે છેલ્લા 3 દિવસથી હડતાળ પર ઉતરેલા કુસ્તીબાજોએ આજે ચોથા દિવસે નેટ બિછાવીને પ્રેક્ટિસ કરી હતી અને જંગ ખેલવાનો શ્રેષ્ઠ પ્રયાસ કર્યો હતો.
SCએ દિલ્હી પોલીસ અને અન્યોને નોટિસ ફટકારી: દિલ્હીના જંતર-મંતર પર ભારતીય કુસ્તીબાજોની હડતાળ હજુ પણ ચાલુ છે, પરંતુ આ દરમિયાન તેઓ રસ્તા પર કસરત કરતા પણ જોવા મળ્યા હતા. ભારતીય કુસ્તી મહાસંઘના પ્રમુખ બ્રિજ ભૂષણ શરણ સિંહ સામે જાતીય સતામણીના આરોપો પર FIR નોંધવાની માંગ કરતી સાત મહિલા કુસ્તીબાજોની અરજી પર સુપ્રીમ કોર્ટે મંગળવારે દિલ્હી પોલીસ અને અન્યોને પણ નોટિસ પાઠવી હતી.
આ પણ વાંચો Wrestlers Protest : વિનેશ ફોગાટનો આરોપ, રેસલર્સની સાથે હવે પરિવારને પણ ધમકાવવાનું શરૂ કરી દીધું
પૂર્વ મુખ્યપ્રધાન ભૂપેન્દ્ર હુડ્ડા અને CPM નેતા વૃંદા કરાતે કર્યું સમર્થન: તમને જણાવી દઈએ કે ગત દિવસે જ હરિયાણાના પૂર્વ મુખ્યમંત્રી ભૂપેન્દ્ર હુડ્ડા, CPM નેતા વૃંદા કરાત, કોંગ્રેસ નેતા ઉદિત રાજ પણ કુસ્તીબાજોને સમર્થન આપવા પહોંચ્યા હતા. દરમિયાન, જે કુસ્તીબાજો સાથે ગેરવર્તણૂક કરવામાં આવી રહી છે તેની સામે તેમણે માગણી કરી છે. તે અંગે સરકાર દ્વારા કોઈ નક્કર પગલાં ભરવામાં આવતા નથી. કુસ્તીબાજોના વિરોધનો આજે ચોથો દિવસ છે. વધુ ત્રણ રાત ખુલ્લા આકાશ નીચે વિતાવી છે. કુસ્તીબાજો પણ એવું જ કહે છે કે જ્યાં સુધી અમને ન્યાય નહીં મળે ત્યાં સુધી અમે અહીંથી ખસવાના નથી અને હવે કુસ્તીબાજોએ પણ અહીં પ્રેક્ટિસ શરૂ કરી દીધી છે.
આ પણ વાંચો Bihar Political News : આનંદ મોહન ગમે ત્યારે જેલમાંથી છૂટી શકે છે, પરિવારમાં ડબલ ખુશીનો માહોલ
