હૈદરાબાદ: હૈદરાબાદમાં ઇન્ટરનેશનલ કન્વેન્શન સેન્ટર (Hyderabad International Convention Center) અને નોવોટેલ હોટેલ જ્યાં વડાપ્રધાન રોકાયા છે થી હાઇટેક સિટીના ગાચીબોવલી ખાતેની હોટેલ રેડિસન સુધી શનિવારે દેશનું રાજકારણ લગભગ પાંચથી સાત કિમીની ત્રિજ્યા સુધી સીમિત રહ્યું હતું. આ સ્થળોએ 300થી વધુ ભાજપ, કેન્દ્રીય મંત્રીઓ, અનેક રાજ્યોના મુખ્યમંત્રીઓ હાજર રહ્યા હતા.આ પ્રસંગ હતો ભાજપની રાષ્ટ્રીય કાર્યકારિણી અને પક્ષના પદાધિકારીઓની બેઠકના પ્રથમ દિવસનો. દેશના તમામ મોટા મીડિયા હાઉસના પ્રતિનિધિઓ અહીં હાજર છે. તૈયારીઓ જોતા એવું લાગે છે કે, પાર્ટીએ પોતાના એકપણ એવા પદાધિકારીને બોલાવ્યા નથી જેમને કોઈ ખાસ કામ ન મળ્યું હોય. કોને શું કહેવું અને શું ન કહેવું તે પણ એક નિશ્ચિત આયોજન હેઠળ છે.
આસામના મુખ્યમંત્રી હિમંતા સરમા: ગૃહમંત્રી અમિત શાહે (Home Minister Amit Shah) સુપ્રીમ કોર્ટના નિર્ણય પર કહ્યું કે, વડાપ્રધાન નરેન્દ્ર મોદી પર લાગેલા તમામ આરોપો પાયાવિહોણા સાબિત થયા છે. વિપક્ષ વેરવિખેર થયા છે. કોંગ્રેસ ડરના કારણે તેના પ્રમુખની પસંદગી કરી રહી નથી. કોંગ્રેસને મોદીફોબિયા છે. તે દરેક મુદ્દે મોદીનો વિરોધ કરે છે. GST નો વિરોધ, આયુષ્માન ભારત નો વિરોધ, રસી નો વિરોધ, CAA નો વિરોધ, રામ મંદિર નો વિરોધ, ટ્રિપલ તલાક નો વિરોધ. પશ્ચિમ બંગાળ અને તેલંગાણામાં પણ લોકો હવે પરિવારવાદથી આઝાદી ઈચ્છે છે. દેશમાંથી અલગતાવાદ, જાતિવાદ અને પરિવારવાદની રાજનીતિનો હવે અંત આવ્યો છે. માત્ર વિકાસની રાજનીતિ રહેશે અને તે જ દેશમાં ચાલશે.
ભાજપે ઉઠાવ્યો વાંધો: BJP કારોબારીની બેઠકમાં તેલંગાણાના ઈન્ટેલિજન્સ અધિકારીઓની હાજરીના સમાચાર પર ભાજપે નારાજગી વ્યક્ત કરી છે. તેલંગાણાના ઈન્ટેલિજન્સ ઓફિસરો વિશે આ જાણકારી ત્યારે મળી જ્યારે તેલંગાણાના ઈન્દ્રસેના રેડ્ડીએ ઈન્ટેલિજન્સ ઓફિસરોને ઓળખ્યા. આ બેઠકમાં વડાપ્રધાન નરેન્દ્ર મોદી (Prime Minister Narendra Modi) પણ હાજર રહ્યા હતા. જે બાદ સમગ્ર સભામાં હોબાળો મચી ગયો હતો. વહીવટીતંત્ર આ મામલાની સ્થાનિક સ્તરે તપાસ કરી રહ્યું છે. આ સંદર્ભમાં માહિતી આપતા ઈન્દ્રસેના રેડ્ડીએ કહ્યું કે, ઈન્ટેલિજન્સ ઓફિસર શ્રીનિવાસ રાવે કેટલીક તસવીરો લીધી છે. આ પછી ત્યાં હાજર અધિકારીઓને તેની જાણકારી આપવામાં આવી. ઘટનાસ્થળે પહોંચેલા પોલીસ કમિશનરને શ્રીનિવાસને સોંપવામાં આવ્યા છે. સૂત્રોના જણાવ્યા પ્રમાણે ત્યાં થોડી ઝપાઝપી પણ થઈ છે.
આ પણ વાંચો: પીએમ મોદી આજે હૈદરાબાદમાં જનસભાને કરશે સંબોધિત
કેન્દ્રીય મંત્રી અનુરાગ ઠાકુરે શું કહ્યું: મેં અહીં જે પ્રદર્શન લગાવવામાં આવ્યું છે તે જોયું છે. આમાં તે તમામ લોકોને રાખવામાં આવ્યા છે. જેમણે તેલંગાણા રાજ્ય બનાવવામાં પોતાના જીવનનું બલિદાન આપ્યું હતું અને તેલંગાણાને પોતાનું રાજ્ય બનાવ્યું હતું. પ્રદર્શનમાં રાજ્યની સમગ્ર કલા સંસ્કૃતિને દર્શાવવામાં આવી છે અને તે અમારા ભાજપના કાર્યકરો માટે તેલંગાણામાંથી ઘણું શીખવા જેવી બાબત છે.
શું છે આજનો કાર્યક્રમ
- ભારતીય જનતા પાર્ટી (BJP)ની બે દિવસીય રાષ્ટ્રીય કાર્ય સમિતિની બેઠકના છેલ્લા દિવસે રવિવારે વડાપ્રધાન નરેન્દ્ર મોદી (Prime Minister Narendra Modi Hyderabad visit) રેલીને સંબોધશે. કેન્દ્રીય ગૃહમંત્રી અમિત શાહ દેશની વર્તમાન પરિસ્થિતિ પર રાજકીય પ્રસ્તાવ રજૂ કરશે.
- રેલીને સંબોધતા પહેલા મોદી પાર્ટી વર્કિંગ કમિટીમાં સમાપન ભાષણ પણ આપશે, જેમાં પાર્ટીના આગામી કાર્યક્રમોની રૂપરેખા આપવામાં આવશે. હાલમાં તમામની નજર બેઠકમાં રજૂ થનારી રાજકીય દરખાસ્ત પર છે. આ બેઠક નૂપુર શર્મા દ્વારા પ્રોફેટ મોહમ્મદ પર કરવામાં આવેલી ટિપ્પણી અને ઉદયપુરમાં કન્હૈયાલાલની હત્યાના વિવાદની પૃષ્ઠભૂમિમાં થઈ રહી છે, તેથી તે જોવાનું રસપ્રદ રહેશે કે પાર્ટી રાજકીય ઠરાવમાં તેનો ઉલ્લેખ કરે છે કે નહીં.
- ભાજપ શાસિત રાજ્યોના મુખ્યમંત્રી હેમંત બિસ્વા સરમા અને બસવરાજ બોમાઈ આ પ્રસ્તાવનું સમર્થન કરશે. અગાઉ શનિવારે પસાર કરાયેલા શોક પ્રસ્તાવમાં કન્હૈયાલાલ અને પંજાબના ગાયક સિદ્ધુ મુસેવાલાના નામનો ઉલ્લેખ કરવામાં આવ્યો હતો. રાજકીય ઠરાવમાં વડાપ્રધાન મોદીની (Prime Minister Narendra Modi) આગેવાની હેઠળની કેન્દ્ર સરકારના આઠ વર્ષના કાર્યકાળની સિદ્ધિઓની વિગતો રજૂ કરવામાં આવશે. તાજેતરની વિધાનસભાની ચૂંટણીમાં પાર્ટીની જીતનો ઉલ્લેખ કરવાની સાથે સાથે આગામી ચૂંટણીની તૈયારીઓની બ્લુ પ્રિન્ટ પણ હશે.
- રાજસ્થાનના પૂર્વ મુખ્યમંત્રી અને ભાજપના રાષ્ટ્રીય ઉપાધ્યક્ષ વસુંધરા રાજેએ શનિવારે કહ્યું હતું કે કાર્ય સમિતિની બેઠકમાં દેશની વર્તમાન સ્થિતિ સહિત તમામ મહત્વપૂર્ણ મુદ્દાઓ પર ચર્ચા કરવામાં આવશે. પાર્ટીએ શનિવારે બેઠકમાં અર્થવ્યવસ્થા અને ગરીબ કલ્યાણ પર ઠરાવ પસાર કર્યો હતો.
આ પણ વાંચો: એકનાથ શિંદે ફરી જીત્યા, વિધાનસભા અધ્યક્ષની ચૂંટણીમાં ભાજપના ઉમેદવારની જીત
