અમદાવાદ: 18 જુલાઈ 2023ના રોજ જન્માક્ષરમાં આજની ભાગ્યશાળી રાશિઓ જાણો. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ, ક્યા હાથ છોડી શકાય. આજનું રાશિફળ ચંદ્ર પર આધારિત છે.
મેષ: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી ચતુર્થ ભાવમાં રહેશે. આજે આપ અતિશય સંવેદનશીલતા અનુભવશો. પરિણામે કોઇક દ્વારા આપની લાગણીને ઠેસ પહોંચવાનો પ્રસંગ ઉપસ્થિત થાય. આવી સ્થિતિમાં તમે પોતાનું વલણ નિષ્પક્ષ રાખશો અને દરેક બાબતને બીજાના દૃશ્ટિકોણથી પણ જોવાનો પ્રયાસ કરશો તો ઘણી બાબતે સ્પષ્ટતા આવશે. આજે આપને માતાને ખુશ રાખવાના વધુ પ્રયાસ કરવાની સલાહ છે. મકાનો કે જમીન અંગેના દસ્તાવેજો આજે ન કરવા. માનસિક વ્યગ્રતાને દૂર કરવા આધ્યાત્મિકતા યોગને સહારો લેવો. સ્ત્રીવર્ગ અને પાણીથી બચવાની સલાહ આપવામાં આવે છે. વિદ્યાભ્યાસ માટે સમય મધ્યમ છે. નિકટના લોકોના કાર્યમાં ઇચ્છા- અનિચ્છાએ જોડાવું પડે.
વૃષભ: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી તૃતીય ભાવમાં રહેશે. આજે આપને વધુ પડતા સંવેદનશીલ અને લાગણીભર્યા વિચારો આવે જેના કારણે આપનું મન આર્દ્ર થઇ જાય. અન્ય તરફ આપનું વલણ પણ લાગણીશીલ રહે. કામકાજમાં અને નિર્ણય લેવામાં વધુ વ્યવહારુ અને તટસ્થ વલણ અપનાવવાની સલાહ છે. આજે આપ ચિંતા છોડીને સકારાત્મક વિચારસરણી સાથે આગળ વધશો તો ઘણા કાર્યો સરળતાથી પાર પાડી શકશો. આપ કલ્પનાશક્તિથી સર્જનાત્મક કાર્યો કરી શકશો. પરિવારજનો કે મિત્રો સાથે મિષ્ટભોજન આરોગવા મળે. કોઇ આકસ્મિક કારણસર પ્રવાસ કરવો પડે. નાણાકીય બાબતો ધ્યાનમાં લઇ તે અંગે આયોજન કરી શકો.
મિથુન: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી દ્વિતિય ભાવમાં રહેશે. આજે સ્નેહીજનો અને મિત્રો સાથે મુલાકાતથી આપને આનંદ થાય. આર્થિક આયોજનો પાર પાડવામાં આપને પહેલાં થોડીક મુશ્કેલીઓ જણાશે પરંતુ ત્યારબાદ આપ સરળતાથી આયોજનો પાર પાડી શકો. આપના જરૂરી કાર્યો પણ શરૂઆતમાં વિલંબ થયા બાદ સુપેરે પાર પડતા નિરાંતની લાગણી અનુભવો. નોકરી ધંધામાં સાનુકૂળ વાતાવરણ રહે અને સહકર્મચારીઓનો સાથ સહકાર સાંપડે.
કર્ક: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી પ્રથમ ભાવમાં રહેશે. આજે આપના મનમાં લાગણી અને ભાવનાઓના ઘોડાપુર ઉમટશે અને તેના પ્રવાહમાં તમે રહેશો. દોસ્તો, સ્વજનો અને સગાંવ્હાલા તરફથી ભેટ સોગાદો અને તેમની સાથે મુલાકાતથી આપનું મન પુલકિત થઇ જશે. સાથે સાથે નિરામય આરોગ્યથી સોનામાં સુગંધ ભળશે. એટલે આપ સમગ્ર દિવસ ખૂબ આનંદમાં વિતાવવો. પ્રવાસ પર્યટન સુંદર ભોજન અને પ્રિયજનના સંગાથથી આપ રોમાંચિત રહેશો. પત્નીના સંગથી મન પ્રસન્ન રહેશે.
સિંહ: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી દ્વાદશ ભાવમાં રહેશે. આજે કોર્ટ કચેરીને લગતા પ્રશ્નોમાં સાવધાનીપૂર્વક વર્તવાની સલાહ છે. મન આજે સંવેદનશીલતાથી આર્દ્ર રહેશે તેથી આપ ભાવનાઓના પ્રવાહમાં તણાઇને કોઇ અવિચારી નિર્ણય ના લેવાઈ જાય તેનું ધ્યાન રાખવું. મહિલાઓની બાબતમાં વિશેષ ધ્યાન આપવું. વાણી તથા વર્તનમાં જેટલી સ્પષ્ટતા અને પારદર્શકતા હશે એટલા તમે ફાયદામાં રહેશો. વિદેશથી સમાચાર મળે.
કન્યા: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી એકાદશ ભાવમાં રહેશે. ઘર, પરિવાર અને વેપાર એમ તમામ ક્ષેત્રે આપના માટે લાભ પ્રતીક્ષા કરી રહ્યો છે. મિત્રો સાથે આનંદદાયક પ્રવાસ પર્યટન થાય તો દાંપત્યજીવનમાં પણ આપ વધુ ઘનિષ્ઠતા કેળવી શકશો. સ્ત્રી મિત્રો વિશેષ લાભકારી પુરવાર થશે. ધનપ્રાપ્તિ માટે પણ શુભ સમય છે. વેપારની ઉઘરાણી અર્થે પ્રવાસ થાય. અપરિણિતા માટે જીવનસાથીની તલાશમાં સફળતા મળે.
તુલા: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી દશમ ભાવમાં રહેશે. આજે આપને માટે નોકરીમાં બઢતીના યોગો જણાઈ રહ્યા છે. અધિકારીઓની કૃપાદૃષ્ટિ આપના પર રહેશે. કુટુંબજીવનમાં અને ગૃહસ્થજીવનમાં હર્ષોલ્લાસનું વાતાવરણ છવાયેલું રહેશે. મનમાં સંવેદનશીલતા વધશે. માતા તરફથી ફાયદો થાય. ઉત્તમ લગ્નસુખની પ્રાપ્તિ થાય. જમીન મિલકતા દસ્તાવેજો કરી શકાય. વ્યવસાય ક્ષેત્રે સારો અને સફળ દિવસ છે.
વૃશ્ચિક: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી નવમ ભાવમાં રહેશે. આપનો આજનો દિવસ અનુકૂળતા અને પ્રતિકૂળતાઓથી મિશ્રિત હશે. લેખન સાહિત્યને લગતી પ્રવૃત્તિઓ કરશો. વ્યવસાયના સ્થળે હરીફાઈ, મંદી અને ગ્રાહકોની નવી નવી માંગને ધ્યાનમાં રાખવા જતા સામાન્ય કરતા થોડી મુશ્કેલ પરિસ્થિતિ રહે. નોકરીમાં ઉપરી અધિકારીઓનું વલણ વધુ કડક હોય તેવું લાગે માટે આવી સ્થિતિમાં તેમની સાથે વધુ પડતી ચર્ચામાં પડવાનું ટાળજો. પ્રતિસ્પર્ધીઓ સાથે વાદવિવાદ ન કરવો. સંતાનો પર પોતાના વિચારો જીદપૂર્વક લાદવાનો પ્રયાસ ના કરવો. પ્રવાસની શક્યતા છે. ધનખર્ચ થાય.
ધન: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી અષ્ટમ ભાવમાં રહેશે. આજે ખાવા- પીવામાં ખાસ ધ્યાન રાખવા માટે ચેતવવામાં આવે છે. કાર્ય સફળતા પરિશ્રમ વધાર્યા પછી તમને આશાનું કિરણ દેખાય. સમયસર કામ પૂરૂં કરવા માટે પ્રયાસો અને કામકાજના કલાકો વધારવા પડશે. વધુ પડતો કાર્યબોજ લેવાની સાથે સાથે શારીરિક સ્વાસ્થ્યને ધ્યાનામાં રાખીને આરામ અને પૌષ્ટિક આહાર પર પણ ધ્યાન આપવાની સલાહ છે. નવા કામની શરૂઆત કરવામાં દરેક પાસાનો વિચાર કરીને આગળ વધવું. મન પ્રફુલ્લિત થાય તેવી કોઈ પ્રવૃત્તિમાં પણ ભાગ લઈ શકો છો.
મકર: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી સપ્તમ ભાવમાં રહેશે. આજે આપનો દિવસ શુભ નીવડશે. સુરૂચિપૂર્ણ ભોજન, ઉત્તમ વસ્ત્રો અને વિજાતીય વ્યક્તિઓ સાથેની મિલનમુલાકાતથી આપનો દિવસ ખુશખુશાલ પસાર થશે. વ્યવસાયના ક્ષેત્રે વિવિધ એજન્સીઓ દ્વારા આપના વેપારનો વિકાસ થાય. દલાલી, કમિશન, વ્યાજ વગેરેની આવક વધે તેથી આપનું આર્થિક પાસું સદ્ધર બને. વિચારોમાં અનિર્ણાયકતા રહે. તંદુરસ્તી સારી રહે. આપની માન પ્રતિષ્ઠામાં વધારો થાય. ટૂંકી મુસાફરીના યોગ છે.
કુંભ: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી ષષ્ટમ ભાવમાં રહેશે. વર્તમાન સમયમાં આપને કાર્યોમાં સફળતા મળશે અને યશકીર્તિ પ્રાપ્ત થશે. આજે આપના સ્વભાવમાં વધુ પડતી સંવેદનશીલતા હોય. મોસાળ તરફથી કોઇ સારા સમાચાર મળે. ઘરમાં પ્રફુલ્લિત વાતાવરણ હરે. નોકરીમાં પણ આપને સાથી કાર્યકરોનો સાથ સહકાર મળી રહે. તન અને મનથી આપ પ્રફુલ્લિતતાનો અનુભવ કરો. કૌટુંબિક વાતાવરણ સુખશાંતિભર્યું હોય.
મીન: 18 જુલાઇ, 2023 મંગળવારના દિવસે ચંદ્ર આજે કર્ક રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી પંચમ ભાવમાં રહેશે. આજે આપની કલમ અને સર્જનશક્તિ વધુ નીખરશે. કલ્પનાશક્તિથી આપ સાહિત્યની દુનિયામાં વિહરશો. વિદ્યાર્થીઓ માટે સમય સારો છે. પ્રિયપાત્રો એકબીજાની વધુ નિકટ આવશે. સ્વભાવમાં ભાવુક્તા વિશેષ પ્રમાણમાં રહે. માનસિક સમતુલા જાળવી રાખવી.
