હૈદરાબાદ: તેલુગુ દેશમ પાર્ટી (ટીડીપી) 'મહાનાડુ' નું (Annual Convention Of TDP) 2 દિવસીય વાર્ષિક સંમેલન શુક્રવારથી શરૂ થયું, જેમાં પ્રથમ દિવસે હજારો પાર્ટી કાર્યકરો, સમર્થકો, નેતાઓ વગેરેએ ભાગ લીધો. આ દરમિયાન નેતાઓથી લઈને કાર્યકર્તાઓ સુધી ખૂબ કાળજી રાખવામાં આવી હતી. કાર્યક્રમમાં તમામ લોકો માટે સ્વાદિષ્ટ વાનગીઓની વ્યવસ્થા કરવામાં આવી હતી. તેલુગુ પરંપરાને પ્રતિબિંબિત કરતી આંધ્રની વાનગીઓ મહેમાનોને પીરસવામાં આવી હતી.
આ પણ વાંચો: Uniform Civil Code : સરકારે 5 સભ્યોની ડ્રાફ્ટ કમિટીની કરી રચના, પહેલું રાજ્ય બનશે ઉત્તરાખંડ
ભોજનની શ્રેષ્ઠ વ્યવસ્થા : પ્રથમ દિવસે 12,000 પ્રતિનિધિઓ બેઠકમાં હાજરી આપે તેવી અપેક્ષા હતી, પરંતુ બાદમાં સંખ્યા બમણી થઈ ગઈ. વિવિધ પ્રદેશોના કામદારોને સંપૂર્ણ રીતે શાકાહારી વાનગીઓ પીરસવામાં આવી હતી. આયોજકોએ જણાવ્યું હતું કે, ભોજનની શ્રેષ્ઠ વ્યવસ્થા કરવામાં આવી હતી. જો કે અપેક્ષિત સંખ્યા કરતા વધુ લોકો એકઠા થયા હતા, પરંતુ કોઈ પણ વ્યક્તિ માટે ખોરાક ઓછો થયો ન હતો.
લોકો માટે ભોજન તૈયાર કરાયુંં : તપેશ્વરમ કાઝા, ઓન્ગોલે અલ્લુરૈયા મૈસૂર પાક જેવી પ્રખ્યાત મીઠાઈઓની લગભગ 30 જાતો ખાસ પ્રસ્તુત છે. આ મીઠાઈઓ તૈયાર કરવા માટે વિજયવાડાથી લગભગ એક હજાર રસોઈયાને બોલાવવામાં આવ્યા હતા. મહાનડુના પહેલા દિવસે લગભગ 30,000 લોકો અને બીજા દિવસે એક લાખથી વધુ લોકો માટે ભોજન તૈયાર કરવામાં આવ્યું છે.
સરકાર પર આકરા પ્રહારો કર્યો : અહીં TDPના વડા એન. ચંદ્રબાબુ નાયડુએ શુક્રવારે વિવિધ મુદ્દાઓ પર આંધ્રપ્રદેશમાં YSR કોંગ્રેસની આગેવાની હેઠળની સરકાર પર આકરા પ્રહારો કરતા કહ્યું કે, વાયએસ જગનમોહન રેડ્ડી જેવા ગેરલાયક વ્યક્તિ રાજ્યના મુખ્યપ્રધાન તરીકે ચાલુ રહેવા માટે યોગ્ય નથી. પૂર્વ મુખ્યપ્રધાનએ પૂછ્યું, 'શું સમાજનો કોઈ સમુદાય જગનના શાસનથી ખુશ છે? જગને છેલ્લા ત્રણ વર્ષમાં માત્ર બદલો લેવા સિવાય આંધ્રપ્રદેશના લોકો માટે શું કર્યું છે?'
TDPના વાર્ષિક સંમેલન : TDPના વાર્ષિક સંમેલન 'મહાનાડુ'ના ઉદ્ઘાટન સંબોધનમાં નાયડુએ 'જગન બચાવો, આંધ્રપ્રદેશ બચાવો' ના નારા લગાવ્યા હતા. તેમણે લોકોને રાજ્યની આ 'કૌભાડી' અને 'વિનાશકારી' સરકારને હાંકી કાઢવા પ્રોત્સાહિત કર્યા. TDPના વડાએ કહ્યું કે, જગન મનોરોગી છે. તેના બધા વિચારો અને કાર્યો વિનાશક છે. અત્યાર સુધીના તેમના 3 વર્ષના શાસન દરમિયાન રાજ્યને ભારે નુકસાન થયું છે." તેથી જ મેં 'જાગના છોડો - આંધ્રપ્રદેશ બચાવો'નો કોલ આપ્યો છે, એમ નાયડુએ જણાવ્યું હતું. તમામ વર્ગોએ એક થઈને કામ કરવું જોઈએ અને રાજ્યને વધુ વિનાશથી બચાવવું જોઈએ.
આ પણ વાંચો: Bengaluru-Chennai Expressway:11 વર્ષ બાદ શરૂ થઈ શકે છે બેંગલુરુ ચેન્નઈ એક્સપ્રેસ વેનું નિર્માણ
સરકારે કલ્યાણકારી કાર્યક્રમો પર બજેટનો 52 ટકા ખર્ચ કર્યો : પૂર્વ મુખ્યપ્રધાનએ યાદ અપાવ્યું કે તેમની અગાઉની સરકારે કલ્યાણકારી કાર્યક્રમો પર બજેટનો 52 ટકા ખર્ચ કર્યો હતો, જે વર્તમાન સરકારે ઘટાડીને 41 ટકા કર્યો છે. નાયડુએ કહ્યું કે, કલ્યાણકારી કાર્યક્રમો ધોવાઈ ગયા છે, રાજ્ય પ્રશાસને દરેક વિકાસ કાર્યને સંપૂર્ણપણે છોડી દીધું છે. આંધ્રપ્રદેશની લાઈફલાઈન, બહુહેતુક પોલાવરમ પ્રોજેક્ટ અને રાજધાની અમરાવતી આની સાક્ષી આપે છે.
