નવી દિલ્હીઃ દિલ્હીના વજીરપુર ઈન્ડસ્ટ્રીયલ એરિયામાં શુક્રવારે સવારે એક કોસ્મેટિક અને સોલવન્ટ ફેક્ટરીમાં ભીષણ આગ લાગી હતી. ફાયર વિભાગના ડાયરેક્ટર અતુલ ગર્ગના જણાવ્યા અનુસાર આજે સવારે લગભગ 8 વાગ્યે ફાયર વિભાગને આગની જાણ કરવામાં આવી હતી. આ પછી ફાયર વિભાગની 25 ગાડીઓ અને ફાયર ફાઈટર ઘટનાસ્થળે હાજર છે અને આગ પર કાબૂ મેળવવાના પ્રયાસો સતત ચાલુ છે.
આ પણ વાંચો: Tamilnadu News: મહિલાને હિજાબ ઉતારવાની ફરજ પાડનારા સાત લોકોની ધરપકડ
આગ પર કાબૂ મેળવાયો: હાલમાં આગ પર કાબૂ મેળવવામાં આવ્યો નથી, પરંતુ હજુ સુધી કોઈ જાનહાનિના સમાચાર નથી. ફાયર વિભાગની ગાડીઓ ઘટનાસ્થળે પહોંચી ત્યાં સુધીમાં આગએ વિકરાળ સ્વરૂપ ધારણ કરી લીધું હોવાનું જણાવવામાં આવ્યું હતું. આ દરમિયાન ફેક્ટરીનું કેમિકલ મેઈન રોડ પર આવી ગયું, જેના કારણે એક વાહનમાં પણ આગ લાગી. ફાયર ફાઈટરોએ પહેલા મુખ્ય માર્ગ પર પાર્ક કરેલા વાહન અને બહાર લાગેલી આગને કાબુમાં લીધી હતી.
આ પણ વાંચો: Amritpal Singh Audio: વીડિયો બાદ હવે અમૃતપાલ સિંહનો ઓડિયો વાયરલ
કયા કારણોસર લાગી આગ: આગ કયા કારણોસર લાગી તે અંગે હજુ સુધી કોઈ નક્કર માહિતી પ્રાપ્ત થઈ નથી. જણાવવામાં આવી રહ્યું છે કે આગ લાગ્યા બાદ તમામ લોકો સમયસર બિલ્ડિંગમાંથી બહાર આવી ગયા અને ફાયર વિભાગને જાણ કરી. આગને કારણે ફેક્ટરીમાં રાખવામાં આવેલ કેટલો માલસામાનને નુકસાન થયું છે તે આગ સંપૂર્ણ રીતે કાબુમાં આવ્યા બાદ જ સ્પષ્ટ થશે. તમને જણાવી દઈએ કે રાજધાનીમાં આગ લાગવાની ઘણી ઘટનાઓ સામે આવતી રહે છે.
આ પણ વાંચો: Ram Navami Celebration: અયોધ્યામાં 50 લાખ ભક્તો પહોંચ્યા રામના દર્શને
