રાયપુર છત્તીસગઢની અંગ્રેજી માધ્યમની શાળાઓમાં ભણતા બાળકોને હવે ધોરણ 12 પછી ઉચ્ચ શિક્ષણ માટે બહાર જવું પડશે નહીં. રાજ્યમાં જ અંગ્રેજી માધ્યમમાં ગુણવત્તાયુક્ત ઉચ્ચ શિક્ષણ ઉપલબ્ધ થઈ શકશે. આ ઉપરાંત, છત્તીસગઢમાં તબક્કાવાર સ્વામી આત્માનંદ અંગ્રેજી માધ્યમ (English medium government colleges) આદર્શ મહાવિદ્યાલય શરૂ કરવામાં આવશે. મુખ્યપ્રધાન ભૂપેશ બઘેલે આ મોટો નિર્ણય લીધો છે.
આ પણ વાંચો : અરવિંદ કેજરીવાલે ગુજરાતમાં શિક્ષણ ક્ષેત્રે આપી પાંચ ગેરંટી
10 અંગ્રેજી માધ્યમની કોલેજો ખુલશે પ્રથમ તબક્કામાં, આગામી શૈક્ષણિક સત્ર જૂન 2023 થી રાજ્યના મોટા શહેરોમાં ઓછામાં ઓછી 10 અંગ્રેજી માધ્યમની કોલેજો ખુલવામાં આવશે. આગામી ત્રણ વર્ષમાં રાજ્યના તમામ જિલ્લા મથકોએ અંગ્રેજી માધ્યમની કોલેજો શરૂ કરવામાં આવશે. હાલમાં રાજ્યમાં અંગ્રેજી માધ્યમની એકપણ સરકારી કોલેજ નથી, જેના કારણે રાજ્યના વિદ્યાર્થીઓને ઉચ્ચ શિક્ષણ માટે મેટ્રોપોલિટન કોલેજોમાં પ્રવેશ લેવો પડે છે. મહાનગરમાં પ્રવેશ લેવાથી વિદ્યાર્થીઓ અને તેમના વાલીઓ પર મોટો આર્થિક બોજ પડે છે, જેમાં મોટી રકમનો ખર્ચ થાય છે. bhupesh baghel announcement
આ પણ વાંચો : Engineering Course in Gujarati: માતૃભાષામાં ભણવા માગતા વિદ્યાર્થીઓ માટે સારા સમાચાર
આગામી વર્ષે 422 આત્માનંદ શાળાઓ 15મી ઓગસ્ટે સ્વતંત્રતા દિવસના સંદેશમાં મુખ્યપ્રધાન ભૂપેશ બઘેલે આગામી શૈક્ષણિક સત્ર પહેલા 422 શાળાઓમાં સ્વામી આત્માનંદ યોજના શરૂ કરવાની જાહેરાત કરી હતી. જેમાંથી 252 શાળાઓ બસ્તર અને સુરગુજા વિભાગમાં હશે. આમાં દંતેવાડા જિલ્લાની 100 ટકા સરકારી ઉચ્ચ અને ઉચ્ચતર માધ્યમિક શાળાઓ હશે. તમને જણાવી દઈએ કે, છત્તીસગઢમાં સ્વામી આત્માનંદ ઈંગ્લિશ મીડિયમ સ્કૂલની શરૂઆત 51 સ્કૂલોથી થઈ હતી, જે હવે વધીને 279 સ્કૂલ થઈ ગઈ છે. જેમાંથી 32 શાળાઓ હિન્દી માધ્યમની છે. 247 શાળાઓમાં હિન્દીની સાથે અંગ્રેજી માધ્યમ પણ ભણાવવામાં આવે છે. આ વર્ષે આત્માનંદ શાળાઓમાં 2 લાખ 52 હજાર 600 બાળકોએ પ્રવેશ લીધો છે. જેમાં 1 લાખ 3 હજાર બાળકો અંગ્રેજી માધ્યમના અને 1 લાખ 49 હજાર 600 બાળકો હિન્દી માધ્યમના છે. નવા રાયપુરમાં આંતરરાષ્ટ્રીય ધોરણની બોર્ડિંગ સ્કૂલ બનાવવાની પ્રક્રિયા પણ શરૂ કરવામાં આવી છે. Swami Atmanand English Medium Adarsh Mahavidyalaya
