નવી દિલ્હી: દિલ્હી દારૂ કૌભાંડ સંબંધિત કેસમાં AAP નેતા મનીષ સિસોદિયાની જામીન અરજી પર સુપ્રીમ કોર્ટ 30 ઓક્ટોબરે પોતાનો ચુકાદો આપશે. સુપ્રીમ કોર્ટની વેબસાઈટ પર પ્રકાશિત કોઝ લિસ્ટ અનુસાર, જસ્ટિસ સંજીવ ખન્ના અને એસવીએન ભાટીની બેંચ સોમવારે ચુકાદો (Delhi Excise Policy Case, Supreme Court) સંભળાવશે.
સિસોદિયા જેલમાં: મનીષ સિસોદિયા દિલ્હી દારૂ કૌભાંડમાંથી ઉદ્ભવતા કથિત ભ્રષ્ટાચાર અને મની લોન્ડરિંગના કેસમાં જેલમાં છે. સુનાવણી પૂર્ણ થયા બાદ સુપ્રીમ કોર્ટે 17 ઓક્ટોબરે મનીષ સિસોદિયાના જામીન પર નિર્ણય સુરક્ષિત રાખ્યો હતો. સિસોદિયાના વરિષ્ઠ વકીલ અભિષેક મનુ સિંઘવીએ કોર્ટમાં કહ્યું હતું કે તપાસ એજન્સી પાસે આ સમગ્ર પ્રકરણમાં સિસોદિયા સાથે સીધા સંબંધિત કોઈ પુરાવા નથી.
આરોપો ખૂબ ગંભીર: 3 જુલાઈના રોજ દિલ્હી હાઈકોર્ટની ડિવિઝન બેંચે સિસોદિયાને જામીન આપવાનો ઇનકાર કર્યો હતો, એમ કહીને કે તેઓ PMLA હેઠળ જામીન આપવા માટેની બેવડી શરતો અને જામીન આપવા માટે ટ્રિપલ ટેસ્ટને સંતોષવામાં સક્ષમ નથી. અગાઉ, હાઈકોર્ટે તેમને આ જ કૌભાંડ સાથે સંબંધિત સીબીઆઈ કેસમાં જામીન આપવાનો ઇનકાર કર્યો હતો, કારણ કે તેમના પરના આરોપો ખૂબ ગંભીર (Delhi Excise Policy Case, Supreme Court) છે.
સીબીઆઈએ આ વર્ષે 26 ફેબ્રુઆરીએ સિસોદિયાની ધરપકડ કરી હતી, ત્યારબાદ 9 માર્ચે EDએ તેમની ધરપકડ કરી હતી. એપ્રિલમાં, વિશેષ ન્યાયાધીશ એમ.કે. નાગપાલે તેને જામીન આપવાનો ઇનકાર કર્યો હતો, એમ કહીને પુરાવાઓ પ્રથમ દૃષ્ટિએ તેના ગુનામાં સંડોવણી વિશે ખૂબ જ સ્પષ્ટ છે.
