છત્તીસગઢમાં કોરોના ગાઇડલાઇન્સનું ઉલ્લંઘન કરનારા યુવક પ્રત્યે ક્રૂરતા દાખવનાર અધિકારી સામે પગલા

સુરજપુરના SP દ્વારા કોરોના ગાઇડલાઇન્સના ઉલ્લંઘન બદલ યુવક સામે ક્રૂરતા દાખવવા મામલે પોલીસ સ્ટેશનના ઇન્ચાર્જ વિરુદ્ધ પગલા લેવામાં આવ્યા છે. આ અધિકારી દ્વારા ઉલ્લંઘન કરનાર શખ્સને માર મારવામાં આવ્યો હતો. સોશિયલ મીડિયા પર યુવકને માર મારવાનો વીડિયો વાઇરલ થતા તેની લોકો દ્વારા ઘણી ટીકા કરવામાં આવી રહી છે.

• કોરોના ગાઇડલાઇન્સના ઉલ્લંઘન બદલ યુવકને જાહેરમાં ઢોરમાર માર્યો
• કલેક્ટરે અધિકારીઓ સાથે મળીને યુવકને માર માર્યો
• સુરજપુરના SPએ પોલીસકર્મી સામે લીધા પગલા

છત્તીસગઢ: સુરજપુરના SP રાજેશ કુકરેજાએ રવિવારે કોરોના ગાઇડલાઇન્સના ઉલ્લંઘન બદલ કોટવાલી બસંત ખલખો પોલીસ સ્ટેશનના ઇન્ચાર્જ વિરુદ્ધ કાર્યવાહી કરી હતી.

કલેક્ટર રણબીર શર્માએ પોલીસ અધિકારીઓ સાથે મળીને હિંસા આચરી

આ પોલીસ સ્ટેશનના અધિકારીએ કોરોના ગાઇડલાઇન્સના ઉલ્લંઘન બદલ એક યુવકને જાહેરમાં ઢોરમાર માર્યો હતો તેમજ સમગ્ર ઘટનાનો વીડિયો પણ સોશિયલ મીડિયામાં વાઇરલ થયો હતો. જેની લોકોએ આકરી નિંદા કરી હતી. આ વીડિયોમાં સુરજપુરના ડિસ્ટ્રીક્ટ કલેક્ટર રણબીર શર્મા પણ યુવકનો ફોન ફેંકી અધિકારીઓને 'તેને મારો' એમ કહેતા જોવા મળી રહ્યા છે.

યુવકને મળશે સરકાર તરફથી નવો ફોન

શર્માએ આ અંગે પ્રતિક્રિયા આપી હતી યુવકે અધિકારીઓ જણાવ્યું હતું કે તે રસીકરણ માટે જઇ રહ્યો હતો પરંતુ તેના દાવાને સાચો ઠેરવવા તેની પાસે કોઇ યોગ્ય દસ્તાવેજ ન હતા. ઉપરાંત તેણે પણ અધિકારીઓ સાથે ગેરવર્તન કર્યું હતું. શર્માએ જાહેરમાં આ અંગે માફી પણ માગી હતી. છત્તીસગઢના મુખ્યપ્રધાન ભૂપેશ બઘેલે આ યુવકને નવો ફોન આપવાની જાહેરાત કરી છે.