રાજસ્થાનમાં માસ્ક પહેર્યા વિના બહાર નીકળતા યુવાને કરી પોલીસ સાથે મારપીટ

રાજસ્થાનના જોધપુરના દેવનગર પોલીસ સ્ટેશનની હદમાં આવતા વિસ્તારોમાં રહીશો માસ્ક પહેર્યા વગર નીકળી રહ્યા હોવાની ઘણી ઘટનાઓ સામે આવી રહી છે. મુકેશ નામનો એક યુવાન માસ્ક પહેર્યા વગર બહાર નીકળતા પોલીસે તેને રોક્યો હતો. પોલીસ દ્વારા તેને દંડ ફટકારવામાં આવતા તેણે પોલીસ સાથે મારપીટ કરી હતી.

રાજસ્થાન: જોધપુરના દેવનગર વિસ્તાર પાસે ગુરુવારે માસ્ક પહેર્યા વિના બહાર નીકળતા મુકેશ પ્રજાપત નામના એક યુવાને પોલીસ દ્વારા તેને અટકાવવાનો પ્રયાસ કરતા તેણે પોલીસ સાથે જ મારપીટ કરી હતી.

રાજસ્થાનમાં માસ્ક પહેર્યા વિના બહાર નીકળતા યુવાને કરી પોલીસ સાથે મારપીટ

ત્યારબાદ પોલીસ દ્વારા તેની ફરજ પરના અધિકારીને ઇજાગ્રસ્ત કરવા તેમજ પોલીસની કામગીરીમાં અવરોધ ઉભો કરવા બદલ ધરપકડ કરવામાં આવી હતી.

શુક્રવારે આ યુવાનને કોર્ટમાં રજૂ કરવામાં આવ્યો હતો જ્યાં કોર્ટની કાર્યવાહીમાં તેને 15 દિવસની કસ્ટડીમાં મોકલવાનો આદેશ આપવામાં આવ્યો હતો.

પોલીસ સાથે મારપીટનો આ યુવાનનો વીડિયો પણ સોશીયલ મીડિયામાં વાઈરલ થયો હતો.