બદાયું: કોરોના મહામારી ફેલાવાથી સરકારે ગરીબો માટે મફતમાં રાશનની સુવિધા કરી છે. આ સુવિધાનો લાભ લેવા શુક્રવારે એક મહિલા કલાકો સુધી લાઇનમાં ઉભી હતી. જેમાં તેનું મોત થયું છે.
પ્રાપ્ત વિગતો અનુસાર આ મહિલા પોતાના ઘરથી 1 કિલોમીટર દૂર ગઇ હતી. જેમાં ગરમી લાગવાના કારણે તે મહિલા બેહોશ થઇ પડી ગઇ હતી. ત્યારબાદ તેને હોસ્પિટલ લઇ જતા રસ્તામાં જ તેનું મોત થયું હતું.
આ મહિલાના મોતથી લોકોએ હોબાળો મચાવ્યો હતો. આ ઘટનાની માહિતી મળતાં સુપરવાઇઝર સંજીવ શર્મા પણ ઘટના સ્થળે પહોંચી ગયા હતા. તેમજ જિલ્લા પુરવઠા અધિકારી રામેન્દ્ર પ્રતાપ, પુરવઠા નિરીક્ષક સંજય ચૌધરીની ટીમ ઘટના સ્થળે પહોંચી હતી. માહિતી મળતાં જાણવા મળ્યું કે, સર્વર ધીમું ચાલી રહ્યું હતું.
