છેલ્લા ચાર દિવસથી પાકિસ્તાનની સેનાએ જમ્મુ-કાશ્મીરના પુંછ જિલ્લાની સરહદે આવેલાં ગામડાઓ પર ગોળીબાર ચાલી રહ્યો છે. જેમાં 24 વર્ષીય મહિલાનું મોત થયું છે.
આ અંગે વાત કરતાં વિકાસ આયુક્ત રાહુલ યાદવે જણાવ્યું હતું કે, "શાહપુર સેક્ટરમાં પાકિસ્તાની સૈનિકોએ કરેલી ગોળીબારીમાં નૂનાબંદીમાં રહેતી શમીમા અખ્તરનું મોત થયું છે."
આમ, સરહદી વિસ્તારોમાં અવારનવાર થતી ગોળીબારીના કારણે ત્યાંના સ્થાનિકોમાં ભારે હાલાકી વેઠવી પડે છે અને જીવના જોખમે જીવવું પડે છે. છતાં પાકિસ્તાની તંત્ર આ જીવલેણ હુમલાઓને અટકાવવા અંગે કોઈ પ્રયત્ન કરી રહ્યું નથી.
ઉલ્લેખનીય છે કે, આ ગોળીબારીની ઘટના પહેલા પણ બારામૂલા જિલ્લાના ઉરી સેક્ટર અને રાજૌરી જિલ્લાના નૌશેરામાં સંઘર્ષ વિરામના ઉલંઘનની ઘટનામાં બે જવાન શહીદ થયા હતાં.
