સુપ્રીમ કોર્ટમાં પ્રદૂષણ પર સુનાવણી, 'હવે તો ઘર પણ સુરક્ષિત નથી'

નવી દિલ્હીઃ સુપ્રીમ કોર્ટે દિલ્હીમાં પ્રદૂષણની સ્થિતિ પર સુનાવણી શરૂ કરી દીધી છે. સુપ્રીમ કૉર્ટે કેન્દ્ર અને રાજ્ય સરકારના વલણ સંદર્ભે ટિપ્પણી કરી. સુપ્રિમ કૉર્ટે કહ્યું કે SC આ પરિસ્થિતિને નહીં ચલાવે. આ અંગે રાજ્ય સરકારોની જવાબદારી નક્કી કરાશે.

દિલ્હીમાં ખરાબ વાતાવરણ પર સુપ્રીમ કોર્ટે ચિંતા વ્યક્ત કરી છે. કોર્ટનું કહેવું છે કે દિલ્હીનો કોઈ ખૂણો પ્રદૂષણ મુક્ત નથી રહ્યો, અને હવે તો ઘર પણ સુરક્ષિત નથી. શું આ ખરાબ વાતાવરણમાં જીવી શકાય? આપણે આ રીતે ન જીવી શકીએ.

પંજાબ, હરિયાણા અને પશ્ચિમિ ઉત્તર પ્રદેશમાં પૂળા(ગાય-ભેંશનો ઘાસચારો, ઉપરાંત પાક લણ્યા બાદ વધતો સુકો કચરો) સળગાવવાની ઘટનાને ગંભીર ગણાવી છે. તેમજ દર વર્ષે આમ નહીં ચાલે તેમ પણ કહ્યું છે.

આ પહેલા રાજધાનીમાં સોમવારે હવાની ગતિમાં સામાન્ય વધારો થતા પ્રદૂષણના સ્તરમાં થોડો ઘટાડો નોંધાયો. પરંતુ હવાની ગુણવત્તા હજુ પણ ખૂબ જ ગંભીર શ્રેણીમાં છે. સવારે સાડા ચાર વાગ્યે દિલ્હીના વાયુ પ્રદૂષણની ગુણવત્તા (એક્યુઆઈ) 438 નોંધાઈ, જ્યારે અલીપુર, નરેલા અને બવાનામાં ક્રમશ 493, 486 અને 472 રહી.