અમરનાથ યાત્રા: 1 લાખ યાત્રીઓએ પૂર્ણ કરી યાત્રા, પત્થર ટૂટવાથી એક યાત્રી ઘાયલ

જમ્મુ: જમ્મુ કાશ્મીરમાં છેલ્લા 8 દિવસથી અમરનાથ યાત્રા શુરૂ છે. જેમાં એક લાખથી વધુ લોકોએ આ યાત્રા પૂર્ણ કરી છે. આ અમરનાથ યાત્રામાં રામબન જિલ્લામાં મંગળવારે પહાડીમાંથી એક પત્થર પડતા એક યાત્રી ઘાયલ થયો છે. પોલીસે કહ્યું કે જમ્મુ-શ્રીનગરના રાજમાર્ગ પર ડિગડોલ વિસ્તારમાં એક પત્થર ટેક્સી પર પડ્યો હતો.

અમરનાથ યાત્રાને 8 દિવસ પુર્ણ થયા છે જેમાં અત્યાર સુધીમાં 1,11,699 યાત્રીઓએ આ યાત્રા પૂર્ણ કરી છે. જેમાં મંગળવારે 5694 લોકોનો વધુ એક ગૃપ દર્શન કરવા માટે રવાના થયો છે. આ સમગ્ર માહિતી અધિકારીઓએ આપી હતી. યાત્રા દરમિયાન એક યાત્રી ઘાયલ થયો હતો. પોલીસે જણાવ્યું છે કે, " યાત્રીને વધુ સારવાર અર્થે હોસ્પિટલ ખાતે ખસેડાયો છે."

કહેવામાં આવે છે કે રાજમાર્ગમાં રામસૂ-રામબન ભાગમાં પહાડીથી પત્થર ટુટે છે જે પત્થર સ્પીડમાં પડતા હોય છે.

અમરનાથના 45 દિવસના તીર્થનો 1 જુલાઇથી પ્રારંભ થયો હતો. અને 15 ઓગષ્ટના રોજ તેનું સમાપન થશે.