2000ની ક્ષમતા ધરાવતી બૈલિસ્ટિક મિસાઈલનું સફળ પરીક્ષણ

ભુવનેશ્વર: ભારત દ્વારા ડૉ.અબ્દુલ કલામ ટાપુથી 2000 કિ.મીની ક્ષમતા ધરાવતી મધ્યમ રેન્જની પરમાણુ મિસાઈલ 'અગ્નિ -2'નું પરીક્ષણ કરવામાં આવ્યું હતું. જે ઓડિશાના બાલાસોરના કિનારેથી સ્ટ્રેટેજિક ફોર્સિસ કમાન્ડ દ્વારા કરવામાં આવ્યું હતું.

'અગ્નિ-2' ભારતનું મધ્યવર્તી બૈલિસ્ટિક મિસાઈલ છે. જે સંરક્ષણ વિકાસ સંગઠન દ્વારા વિકસિત કરવામાં આવી છે. આ મિસાઈલ આધુનિક ટેક્નીકથી બની છે. જેની લંબાઈ 21 મીટર અને પહોંળાઈ 1.3 મીટર છે.

'અગ્નિ -2' મિસાઇલ પરમાણુ શસ્ત્રોથી સજ્જ છે. જે 1 ટન પેલોડ વહન કરવામાં સક્ષમ છે. જેના 3 તબક્કામાં પ્રોપલ્શન સિસ્ટમ લગાવવામાં આવી છે. આમ, 2000 કિ.મી ની ક્ષમતા ધરાવતી પરમાણુ મિસાઈલનું પરીક્ષણ ડૉ.અબ્દુલ કલામ આઇલેન્ડથી કરાયું છે.