શિમલામાં ફરી બરફવર્ષા, જનજીવન ખોરવાયુ

શિમલાઃ રામપુર બુશહર અને ગ્રામીણ વિસ્તારમાં ફરી એકવાર બરફવર્ષા શરૂ થઈ છે. જેના કારણે આ વિસ્તારમાં વધુ ઠંડક પ્રસરી ગઈ છે. આવી સ્થિતિમાં જનજીવન ખોરવાઇ ગયું છે. સરહાન ક્ષેત્રમાં માતા ભીમકાળીના મંદિર નજીક પહેલેથી જ ભારે બરફવર્ષા શરૂ થઈ છે. સ્થાનિક રહીશોનું કહેવું છે કે, અહીં ઠંડી વધી ગઈ છે અને આ સ્થિતિમાં પશુપાલકો, શાળાના વિદ્યાર્થીઓ અને સામાન્ય લોકોને પણ મુશ્કેલીનો સામનો કરવો પડી રહ્યો છે.

તેમણે કહ્યું કે, પહેલા બરફવર્ષાથી રાહત મળી શકી નથી, આવી સ્થિતિમાં, પાણી અને વીજળીની સુવિધા પણ ખોરવાઇ ગઇ છે. બરફવર્ષાને કારણે વીજ વાયરિંગ તૂટી ગયો હતો, જેના કારણે પાંચથી છ દિવસ પછી વીજળી પાછી ફરી હતી. તે જ સમયે, પાણીની પાઇપમાં બરફ જામી ગયો હોવાથી ઘરોમાં પાણી પહોંચી રહ્યુ નથી. લોકો બરફને ઓગાળીને પાણીનો ઉપયોગ કરી રહ્યા છે.

રવિવાર અને સોમવારે આ વિસ્તારમાં સૂર્યપ્રકાશને કારણે સ્થિતિ સામાન્ય બની હતી. પરંતુ હવે ફરી એકવાર બરફવર્ષા શરૂ થઈ છે, જેનાથી ગ્રામીણ વિસ્તારના લોકોની ચિંતામાં વધારો થયો છે.