કોટા: રાજસ્થાનના કોટામાં શુક્રવારે કોરોનાના 6 નવા કેસ સામે આવ્યા છે. હાલ કોટામાં કોરોનાના કુલ દર્દીની સંખ્યા 775 પર પહોંચી છે. આ સિવાય બુંદી જિલ્લામાંથી બે પોઝિટિવ કેસ મળી આવ્યા હતા. જેમાં નીમ ખેડાના 33 વર્ષીય યુવક અને બુંદી શહેરની 30 વર્ષીય મહિલા પોઝિટિવ મળી આવી હતી.
30 વર્ષીય યુવક જે બાલકુંડમાં એક ખાનગી કોચિંગ ઇન્સ્ટિટ્યૂટમાં કામ કરતો તેનો રિપોર્ટ પોઝિટિવ આવ્યો હતો. જોકે આ વ્યક્તિ ઘણા સમયથી કોચિંગ ઇન્સ્ટિટ્યૂટમાં નથી ગયો. તેના ઘરની સામે રહેતી 50 વર્ષીય મહિલા અને તેના 25 વર્ષના પુત્રનો રિપોર્ટ પણ પોઝિટિવ આવ્યો હતો.
