શિવરાજ સિંહે આજે ફરી રાહુલ ગાંધી પર વ્યંગ કર્યો છે. તેમણે કહ્યું કે, જ્યારે જહાજ ડૂબે છે ત્યારે કેપ્ટનની લોકોને સુરક્ષિત ઉતારવાની જવાબદારી હોય છે. પરંતુ અહીં તો કોંગ્રેસના પ્રમુખ પહેલા જ છલાંગ લગાવી દીધી છે. તેવામાં અન્ય નેતા અને કાર્યકર્તાઓનું શું?
ભાજપના વરિષ્ઠ નેતા શિવરાજ સિંહે રાહુલ ગાંધીને રણછોડ ગાંધી ગણાવ્યા છે. તેમજ ધારાસભ્યો પણ તે રસ્તે જઈ રહ્યા હોવાનું કહ્યું છે. કર્ણાટકની હાલની પરિસ્થિતિને સંદર્ભે શિવરાજ સિંહે કહ્યું કે, ત્યાંની સરકાર જાતે જ સત્તાવિહોણી થઈ જશે. તેનું કારણ કોંગ્રેસ અને જેડીએસના નેતાઓ પક્ષથી દૂર જઈ રહ્યાં છે.
શિવરાજ સિંહ દિલ્હીના જવાહરલાલ નહેરૂં સ્ટેડિયમ ખાતે ભાજપાના સદસ્યતા અભિયાનમાં હાજરી આપવા પહોંચ્યા હતા. કાર્યક્રમ બાદ મીડિયા સાથેની વાતચીતમાં તેમણે કહ્યું કે કાશ્મીરની જે સમસ્યા છે, મોંઘવારી, આંતવાદ સહિતની સમસ્યા કોંગ્રેસ દ્વારા આપવામાં આવી છે. કોંગ્રેસે ક્યારે દેશહિતમાં વિચાર્યું નથી.
