અયોધ્યામાં 10 ડિસેમ્બર સુધી ધારા 144 લાગુ કરવામાં આવી છે. જિલ્લા અધિકારી અનુજ ઝા દ્વારા આ આદેશ જાહેર કરવામાં આવ્યો છે. જો કે દિવાળીના તહેવારો દરમિયાન અયોધ્યાનું વિશેષ મહત્વ હોવાથી આ નિર્ણયનો અમલ હળવો કરાશે.
દેશના સૌથી વિવાદિત પ્રશ્નનો ઉકેલ નજીક છે. ત્યારે જિલ્લા વહિવટ તંત્ર દ્વારા શાંતિ અને સુરક્ષા માટે આ પગલુ ભરવામાં આવ્યું છે. અયોધ્યામાં મોટી સંખ્યામાં સુરક્ષાબળોને તહેનાત કરવામાં આવ્યા છે.
17 ઓક્ટોબર સુધીમાં બંને પક્ષો પોતાની દલીલો પૂર્ણ કરી લે એ પછી એકાદ મહિના સુધીમાં ચૂકાદો આવી શકે છે. આ ચૂકાદાની સંભવિત અસરોને ધ્યાનમાં રાખી જિલ્લા વહીવટીતંત્રએ આ પગલુ ભર્યુ છે.
