ન્યૂઝ ડેસ્ક: રાજ્યસભાની ચૂંટણીને અનુલક્ષીને ગુજરાત ભાજપ દ્વારા બે ઉમેદવારોનાં નામ જાહેર કરાયા બાદ આજે કોંગ્રેસ દ્વારા બે ઉમેદવારોના નામ નક્કી કરવામાં આવ્યા છે. રાજ્યસભાની ચૂંટણી માટે કોંગ્રેસના ઉમેદવારોમાં શક્તિસિંહ ગોહિલ અને રાજીવ શુક્લાના નામ નક્કી માનવામાં આવી રહ્યાં છે. જોકે હજી સુધી કોંગ્રેસ દ્વારા બંને નામની સત્તાવાર જાહેરાત કરવામાં આવી નથી.
રાજ્યમાં રાજ્યસભાની 4 બેઠકો માટે માર્ચમાં ચૂંટણી યોજાશે. આગામી 26 માર્ચે રાજ્યસભાની 4 બેઠકો માટે મતદાન યોજાશે. ત્યારબાદ 26મી માર્ચે જ મતગણતરી કરવામાં આવશે.
